[Carrira911]

السلام عليكم

بعد رحله عناء وانتظار طويل للعربيه اللي كنت بتمناها وهي ... البريليانس الFSV !!!
لم تأتي العربيه الي الان ... مما دفعني للتفكير في الجين تو بالرغم من فرق السعر

ووضعي في موقف حرج....لاني هفلس بعدها .هههههههه

بس وبكل شجاعه بعد ما درست العربيه وشفت مميزتها وعيوبها"اللي متأثرش عليها تقريبا خالص" اتخذت قرار جريء!!!

رحت لعز العرب في شارع ذاكر حسين في م.نصر
طلعت السلالم ملقتش ولا عربيه..اعتقدت انهم بيصفو المعرض وبيقفلو او بيوضبوه
لاقيت بنت قاعده علي مكتب سألتها العربيات الجين فين؟؟
قالتلي انزل تحت..منين: من الجراج.
استغربت بصراحه ... بس قلت مش مشكله جايز بيوضبو!!!
نزلت الجراج ملقتش غير جين تو واحده
بفتحها مفيش...مش راضيه تفتح قعدت انادي علي حد مفيش بشري في قلب المكان
قلت لصاحبي...بص يابني الحلال دي شكلها متعشيه معاهم ومش عايزين يبيعو
ده حتي العربيات في الجراج!!!!

لسه مخلصتش كلامي لاقيت شاب داخل عليا
اامرني يا فندم؟
ممكن اشوف العربيه الجين تو؟
طبعا؟

فتحلي العربيه وفرجني عليها وكان محترم الي اقصي حد
بصراحه احترامه هداني شويه

المهم سألت علي اللون اللي عايزه ..خدني في المكتب فوق!!
"بصراحه حسيت اني داخل مبني الاحوال المدنيه او مكان حكومه زمان
حتي الدهان مش مدهون...لمب محروق بالعبيط
بصيت لصحبي نظره استغراب...وهوا بصلي بنظره انتصار
لانه شغال في عبد اللطيف جميل..وكيل ديهاتسو
ودائم القول..انه احسن وكيل في مصرررر
وانا دايما" معارضه....للخنقه عليه مش اكتر هههههه

المهم قالي في خلال اسبوعين هتيجي العربيه
عشان لسه الشحنه مخدتش افراج من الجمارك!

قلتله علي مهلك مش مستعجل...احجزلي واحده!

وقد كان وحدث ودفعت الف بلبل مقدم حجز
بالرغم من عدم اقتناعي بالمكان ولا المعامله
غير الراجل المحترم اللي كان واقف معايا وحجزهالي وكان اسمه مروان وجيه!

دي كانت قصه حجزي للجين تو...اسف للاطاله يا رجاله!

بس اخر حاجه معلش يا رجاله ...ياريت بقي تفيدوني او توجهوني لمواضيع معموله عن استلام العربيه وترخيصها وايه الاجراءات اللي المفروض اعملها

وهل افاصل في سعرها وانا بستلمها ولا مش هينفع؟؟؟

ياريت تفيدوني دي اول عربيه في حياتي...وكمان تحويشه عمري

وشكرا"