[dr_eslam_66]

المشاركة الأصلية كتبت بواسطة د/أحمد يونس بس النيسان القديمة حوت بنزين بطريقة مستفزة جدا أنا معاك أن شكلها مش ولابد بس عربية بتستحمل الجري عكس الهيونداي مثلا

بص ياباشا النيسان القديمة معايا بستخدمها ومش غريبة علياوإستهلاك البنزين فعلا معقول جدااااا, أنا آه ماحسبتوش بدقة قبل كدة لاكن أنا مش لاقي أي فرق يخليني أقلق وأحسبه بردو.
عن تجربة وكانت معايا كرولا 1.8 وبعتها من كام يوم ومعايا دلوقتي يارس 1.3 إستهلاك الياريس فعلا فوق المعقول وأكتر من 1.3 قولي ليه بقى لأنها بطيئة في السحب فا علىطول بقرص عليها علشان ما أعطلشي الشارغ سواء في إشارة ولا ميدان ولا وقفت وطالع عايز أقولك إني مافيش طلعة طلعت بيها وعلشان أستلم سرعة الشارع لازم الأر بي إم يعدي الأربعة وساعات خمسة وطبعا دا بيخليها تحرق بنزين بشكل فظيع في حين إني ماكنتش محتاج ده خااالص في الكرولا وعلىطول كان صوت طلعتي فيها هادي جدا وعمري ما إحتجت أعدي الـ 3 أو 3.5 أر بي إم في أي طلعة.
إلي عايز أوصلهولك إني إستخدامك للعربية هوا الي بيحدد إستهلاكك للبنزين.
الصني أنا شايفها بصراحة مكنة حلوة جدا جدا على قوتها وإستهلاكها.

المشاركة الأصلية كتبت بواسطة د/أحمد يونس بصراحة يمكن فعلا يكون عيب العربية دي هو الشكل بس عربية ب 100.000 وفيها أمكانيات مش موجودة في مثيلاتها وبنفس السعر انا شايف انها حلوة

ما هيا دي مشكلة نيسان في الموديلات الإقتصادية سوؤ تصميم ومنافسة سعرية أنا قولت لما هينزل ديزاين جديد من الصني هيتلافى عيوب كلاسيكية الشكل القديم ولاكن للأسف الشكل القديم أحلى جدا من الموجود دلوقتي.
وأنا لو كنت لسة بختار بين العربيتين دول هختار نفس الني القديمة تاني بسبب نفس الشكل الغير مقبول للجديدة.
والعربية القديمة برضوا كانت في نفس الشريحة السعرية الإقتصادية.
تعالى نفكر بيها براحة كدة وواحدة واحدة,
الشكل في صالح القديمة
الإمكانيات ماتفرقش أي تكنولوجيا جديدة إتزودت
التقفيل في صالح القديمة
الحصان 118 للقديمة تحت 100 حصان للجديدة ومش عارف كام بالظبط.
مع ثبات السعر للإتنين يبقى لازم تشتري القديمة.
رأي يالشخصي "دي خطوة للوراء من نيسان"
أنا مش فاهم سياسة موديلات نيسان لحد النهردة لما نزلوا التيدا في نفس فئة الصني قولنا هيغيروا الصني ويعلوا بيها عن التيدا نزل ديزاين وحش وسعر هوا هوا للصني القديمة يبقى هما غيروا إيه؟
تقبل تحياتي أخي الفاضل