عربيتى BMW-E21-318 ، موديل 1980 ، موتور 4 سلندر 1600 سىسى (130 ألف كم) ، كربيرتور (Solex 32-32 DIDTA) ، فتيس أوتوماتيك. (باستخدم بنزين 80).
خلال الـ 10 أيام الماضية قمت بتغير زيت الموتور (شل الأصفر HELIX HX5) وتغير فلتر زيت الموتور (Hengst)، وتغير زيت فتيس أتوماتيك (موبيل ATF 320)، وغسلت بالبنزين مصفة زيت الفتيس (مصفاة معدنية)، وغيرت زيت كرونا (موبيل SAE 85W-140)، وغيرت زيت فرامل (Lockhead)، وغيرت زيت باور سترينج (موبيل ATF 320)، وغسلت الرديتير ومليته مياه خضراء.
بعدها حسيت بفرق فى أداء العربيه للأحسن طبعاً، وصوت الموتور أنخفضت بشكل ملحوظ.
|
كل ده تمام مافيش مشكله
|
بعد يومين غيرت طقم البوجيهات كان راكب فيها (BERU شمعة واحدة) وركبت بدل منه (دانسو 3 شمعات) "الميكانيكى خلع الاربع بوجيهات -بيرو- القدام ، واثناء ما هم مخلوعين قالى دورى المارش للحظات، وبعدين طلب أدور المارش مره تانى للحظات 'مش عارفه ليه الحركة دى؟'
|
بيعملوا كده علشان لو فيه وساخه تطلع
، ثم ركب الأربعة بوجهات -دانسو- الجدد"، بعد ذلك ظبط كهربا وبنزين وهوا، وبدأت المشاكل بعد تغير البوجيهات بيوم، وهى:
- العربيه أحيانا تعمل فرقعة فى الشكمان (مدافع)، خاصة أثناء التسخين الصبح ، أو لما أتحرت بيها فى الصبح ومؤشر الحرارة فى أول درجة.
- حسيت أن العزم ضعف. (وبخاصة لما يكون معايا أكثر من شخص فى العربية)
- لما أضغط بنزين جامد مره واحدة (Kickdown) ، ممكن تعمل صوت مدفع وتطفى، أو احسن أن الموتور مخنوق وصوته يوطى بدل ما يعى وعداد RPM يثبت أو يقل بدل ما يزيد، وعشان أقدر أمشى واسحب بالعربيه لازم أسايس دواسة البنزين حبة حبة، فى الحاله دى ممكن أوصل بدواسة البنزين للأخر، لكن لازم حبة حبة وبالراحة. (ما كنتش كدا الأول)
- الدخان ما لوش لون (و مبيض على خفيف وأنا بأسخن الصبح)، لكن لما بتدى فرقعة (مدفع)، بيبقى لونه أسود.
- صوت الموتور بقى فيه رنه أو ذى خبطة بتظهر منتظمة مكنتش موجوده فى الأول، لما بتكون على السلانسيه بتظهر واضحة، وبتكرر فى السلانسيه حوالى مرتين أو ثلاثه فى الثانية، لما السرعة بتزيد ما باقدرش الاحظها.
رجعت للميكانيكى تانى وقولت له المشكله، فقال دى مشكلة كهربا، وظبط شويا فى الاسبيراتير (اسبيراتير عادى مش ألكترونى)، وغير أبلاتين (BERU)، وكوندنسر (قال أى كوندسر يشتغل وركب كوندنسر عربية فيات جابه من عنده "مش متأكده أنه جديد لكن شكله جديده")، وكشف على البوجيهات ، وغير أخر بوجيه (كان أخره لونه أسمر، لكن مش محروق أو متأكل).
|
فعلاً الحاجات دي بتبقي عيب ظبط كهرباء في الموتور بالاضافه لظبط التاكيهات .. بس للعلم برضه البنزين المضروب كتير جداُ اليومين دول .. يرجي الحذر و التموين من بنزينات معروفه و متجربه.
|
بعدها تقريبا بطلت تعمل مدافع (نادر جداً)، وبقيت احس ان الموتور قوى أثناء ما العربية بارده، وكل ما تسخن أكتر أحس أن الموتور بيضعف (مؤشر الحرارة دائماً أقل من النصف). انا باخاف أسرع أكتر من 120 كم، والعربيه بتجيب الـ 120 كم.
|
بيضعف ازاي؟
رجعت للميكانيكى تانى ، فقال الموتور عاوز عمرة. (أو اشترى موتور استيراد)
أخذت رأى أكثر من ميكانيكى ، وكانت الآراء كالتالى:
- أشواط الموتور مش مظبوطة (الاربع أشواط)، وعايزه تتظبط.
- الاسبيراتير من مظبوط، ومش عامل تناغم مظبوط مع شمعات الاحتراق، يعنى المفروض الابلتين يظبط (شمعة 1 مع 3) وبعدين (شمعة 2 مع 4) ، لكن هو ملخبط حاجة فيهم، أو الميكانيكى لخبط حاجه فى اسلاكة. (و الأفضل أشترى أسبيراتير جديد)
- مشكلة تاكيهات، والتاكيهات عاوزه تتظبط.
- مشكلة كربيراتور، وتغير بيكات وظبط هوا وبنزين وكهربا. (أو أشترى كربيراتور جديد)
- زيت الموتور المستخدم غير مناسب للموتور، ويجب تغيره بزيت أتقل. (الزيت الموجود لسه ما عملش 400 كم).
- مشكلة بساتم أو شنابر ، فى بستم أو اكتر (أو شنابره) متآكل.
- أعتقد لو سألت ميكانيكى تانى ، هيقترح سبب جديد.
|
ظبط المكنه صح الاول و بعدين نقدر نحكم عايزه عمره ولا لاء. لو احتاجت اسبراتير يبقي الافضل يتجاب اسبراتير الكتروني ...العربيه موديل كام؟
التاكيهات تتظبط عادي ده امر سهل و لازم يتعمل (صوت الخبط المنتظم بتاع الشواكيش بتاع التاكيهات...)
مشكله كربراتير يبقي الافضل تغير الكربراتير بواحد WEBER و يتظبط بيكاته احسن من الSolex
مشكله بساتم و شنبر ده بيبقي فيه تعريق زيت علي البوجيهات و بيبقي فيه بخره طالعه من خرطوم التبخير اللي علي وش المكنه
|
زهقت واتعقدت من العربيه، ومش عارفه أعمل ايه، وكل واحد كلامه مش مقنع، ومش عارفه أيهم الصح واخليه يشتغلى فى العربيه؟
|
حضرتك ساكنه فين ؟ لو ناحيه الدقي ممكن ادل حضرتك علي ميكانيكي كويس
|
ملحوظة: أنا عندى مشكلة من زمان (من قبل ما أغير أى زيوت أو بوجيهات) مش عارفه ايه سببها؟ المشكله أن العربيه بتستهلك بنزين كتير ، الصفحية (بنزين 80) يتعمل أقل من 100 كم.
|
استهلاك البنزين بيبقي بسبب البيكات فيها تاكل و بتتغير.. كربراتير السولكس كربراتير رخم شويه.
__________________
Why?...Cause I can
The Raise of the Don ... Don Johnny
Don Capone
Everything is personal ...every bit of Business , every piece of Crap every Man has to eat everyday of his Life is personal..
///