[أبو عبد الرحمن]

شكرًا أوي يا بوب على الردود الجميلة دي ومنتحرمش أبدًا من خدماتك
بالنسبة ليا فأنا بحتاج عربية بشنطة لأني بسافر كتير بس في نفس الوقت عايز عربية مميزة متبقاش مرطرطة في البلد وكل الناس راكباها ! وده اللي خلاني أصرف نظر عن اللانوس وأبص للريو باعتبار انها عربية أقل وجودًا من اللانوس وزي ما انت قلت تقريبًا هما هما الاتنين حاجة واحدة وقريبين جدًا من بعض وخاصة ان الريو هتبقى برده أوفر من اللانوس في البنزين وانا مش من النوع اللي بيجري أوي، فهل كده تبقى الريو الأفضل ليا ؟ وهل قطع الغيار الفرق بينهم كبير ولا فرق يسير ؟
ولو رجحنا اللانوس ، فمش الجولييت هتكون أفضل من ناحية الشكل الجمالي خاصة اني من محبي الهاتش باك ؟ ولا الشنطة بتاعتها صغيرة أوي متشيلش شنط كتير ؟ وكمان سمعت ان الجولييت ضيقة جدًا من جوة عن اللانوس ! فهل ده صحيح ؟؟