عرض مشاركة واحدة
  #44  
قديم 01-08-2013, 10:00 PM
cars admire
Guest
 
المشاركات: n/a
Talking الاجابة فى الرابط من وجهة نظرى يا افندم !!


المشاركة الأصلية كتبت بواسطة borio1704 مشاهدة المشاركة

Cars Admire باشا... فعلا باشا

أولا.. أحييك فعلا على شغفك وحماسك اللامتناهي للأفكار الجديدة والقديمة في نفس الوقت، وده إن دل على شيء فهو دليل على حب شديد للسيارات وكل ما يتعلق بها

ثانيا.. موضوع الكرادين بدل الكبالن عملي جدا في الاستخدام فعلا... بس لما قعدت أفكر شوية.. قلت: لما الكرادين كانت مستخدمة زمان... إيه اللي خلاهم يفكروا في الكبالن؟؟؟؟ أكيد الكبالن ليها مميزات!!!

أنا بس عايز أقارن بين مميزات وعيوب عواميد الكردان والكبالن بمنتهى الحيادية من وجهة نظر علمية وعملية

بس عايز أقوللك أني اشتغلت فترة من حياتي في تجميع عواميد الكردان في أحد مصانع الصانعات المغذية للسيارات في برج العرب... وكنا بنعمل عواميد كردان لسيارات الدبابة والميني باصات بتاعت شيفروليه ومرسيدس اللي مصانعهم في 6 أكتوبر... وحتى عربيات السوزوكي فان (التناية)

الحقيقة هي ماكانتش تصنيع بقدر ما كانت تجميع... وده يمكن اللي يهمني أكتر لإن ده اللي بيحصل غالبا عند أي ميكانيكي.

وعشان أديك فكرة عن عملية التجميع كانت إيه...
1- لحام المواسير مع الـYoke والعمود المشرشر ، والناحية التانية بتاعة المشرشر الداخلي والـYoke بتاعتها، وده كان بيتم على ماكينة متقدمة بتلحم الناحيتين مع بعض في نفس اللحظة علشان مفيش حاجة تعوج بسبب شدة اللحام

2- تجميع الصلايب مع الـYoke... وكل عمود كان عايز 4 صلايب... وكان فيه مشكلة كبيرة في التجميع بسبب صعوبة سنترة الصليبة مع الـYoke ، وكان لازم نستخدم كلبسات بمقاسات مختلفة (يعني مش كل الكلبسات واحد) لحد ما نوصل للمقاس الصح... يمكن تقول أكيد فيه طريقة نقيس بيها... فعلا كنا بنقيس... ومع ذلك كان بيطلعلنا مشاكل فيما بعد في ضبط الاتزان

3- الاتزان بقى ده موال لوحده... كان عندنا ماكينة للاتزان مخصوصة لعواميد الكردان... معتقدش أنها موجودة عند حد في مصر لحد دلوقتي..

الخراط ممكن يرف اى عمود كردان
ويجعله متزن
. والمشكلة إن الماكينة دي بتوزن العمود متجمع كامل بما فيه كرسي النص، والاتزان بيتم على العمود كامل مش كل جزء لوحده... لإن أحيانا لما تجمع النصين مع بعض كان بيحصل غربلة لإن بيفضل 2-3 جرام من هنا مع 2-3 جرام من الجزء التاني لو اتوجدوا مع بعض في ناحية واحده يبدأ يحصل اهتزاز
عايز أقوللك بردو إن أماكن وضع الرصاص كانت محددة من الشركة الأم
طبعا... عواميد الكردان اللي حضرتك بتتكلم عليها أصغر بكتير ومش متكونة من جزئين زي دول... بس ما تنساش موضوع تجميع الصليبة ده

أنا معاك طبعا إن عمر الكردان أطول بكتير من الكوبلن وصيانته أرخص، وتغييره أسهل بكتير... بس لو واحد مش فاهم فنياته... مشاكله أكيد مش حتخلص منها، وممكن يعملك غربلة تأثر على الجيربوكس بمنتهى السهولة، ده غير موضوع التشحيم الضروري جدا


أنا معاك بردو إن الكبالن مشاكلها في الاستخدام واضحة بالنسبالنا... أولها الطقطقة المعروفة بسبب دخول الأتربة للكوبلن بعد الكاوتش ما يتقطع أو يفلت، وتانيها السعر العالي للكوبلن وده بسبب التكنولوجيا العالية في تصنيعه، وتالتها صعوبة الفك والتركيب.

خليني أقول بعض مميزات الكبالن، وإن كان معظمها المستخدم مش بيشعر بيها بشكل مباشر:
1- حجم تجميعة الكوبلن كاملة أصغر من الكردان... يعني مش محتاج مساحة كبيرة من العربية تفضيها عشان يشتغل
2- وزن تجميعة الكوبلن أقل من وزن عمود الكردان... يعني استهلاك أقل من البنزين
3- الأجزاء المتجمعة أقل... يعني احتمال إن حاجة تبوش أقل.. يعني تحكم أكتر
4- مشاكل الغربلة أو عدم الاتزان أقل بكتير ... أنا شخصيا ما سمعتش عن حد عندو مشكلة غربلة العجل بسبب الكبالن (ما بقولش إنها مش موجودة.. ولكن أقل)

أنا مش ضد الفكرة... ولكن بفكر في كل الإيجابيات والسلبيات علشان ننجح الفكرة أكتر

ولك مني كل التقدير والتحية



...

لما الكرادين كانت مستخدمة زمان... إيه اللي خلاهم يفكروا في الكبالن؟؟؟؟ أكيد الكبالن ليها مميزات!!!


الاجابة فى الرابط من وجهة نظرى يا افندم
http://www.masrmotors.com/vb/showpos...0&postcount=11

ولك مني كل التقدير والتحية وخالص الود وفائق الاحترام
رد مع اقتباس