[خالدخليفة]

المشاركة الأصلية كتبت بواسطة xahmedfaragx بس طبعا من اكبر المشاكل برضه كبرحجم اسطوانه الغاز داخل شنطه السيارة وكمان سحب العربيه بيقل جدا عن البنزين وقله عدد المحطات واماكن تواجدها متباعده وزحامها بسيارات الاجرة

اولا / بالنسبة لموضوع السحب هو بيقل فعلا لكن مش بيبان بالنسبة للسيارات الحديثة لانى مثلا بالغاز بوصل بسيارتى ل170 كيلو فى الساعة وبالبنزين بتوصل طبعا الى 200 واكتر ودى طبعا مش هتفرق خاااااااالص بالنسبة للى مبعدوش ال120 مثلا
ثانيا حجم الاسطوانة ده مشكلة فعلا لكن انت ممكن تركب اسطوانة صغيرة بس مشكلتها انك كل شويه عايز تمون
وللاسف قلة المحطات دى حقيقة لانهم بيخاطبو شريحة معينة فى المجتمع وهى فئة سواقين التاكسى ولذلك تلاقى المحطات داخل المدن فقط لكن على الطرق السريعة مفيش ولا الصعيد فيه ماعدا محطة يتيمة فى بنى سويف وسمعت انهم بيعملو محطة فى المنيا دلوقت
واما مشكلة الزحام بسيارات الاجرة فهى محلولة لان كل محطة فيها ماكينة خاصة للملاكى فانت كل اللى بتعمله لما تلاقى زحام بتركن عربيتك او بتدخل بيها متخطى الطابور وبتسال ماكينة الملاكى فين فيقوللك ادخل بعد ده ويشاور لك على واحد معين وانا شخصيا بعمل كده
هيا الحاجة العجيبة انى بدخل بعربيتى( نيسان صنى 2008) محطة الغاز وكأنى جاى من كوكب تانى وكل سواقين التاكس تقعد تتفرج عليا زى م اكون مخلوق غريب جاى من الفضاء واللى يمصمص شفايفه كان الغاز ده معمول لتاكسى فقط