[horas3000]

طيب هبتدي انا يمكن الناس تتشجع

دي تقريبا كل العربيات اللي سوقتها مرتبة بالموديل

بيجو 505 83: أسد بس عجوز
هوندا سيفيك 93: مع انها كانت تعبانة بس روحها كانت موجودة
ميتسوبيشي باجيرو 95: كانت محتاجة متور اقوي
ميتسوبيشي جالانت 96: عربية عصبية جدا
ميتسوبيشي كولت 97: كتكوتة بس مفترسة
كيا سيفيا 99: عربية خفيفة قوي
سيات توليدو 01: باسات صغيرة
اوبل فكترا 02: كانت تقيلة جدا
اودي A6 م 02: التقفيل الالماني علي اصولة
فولكس باسات 02: ثبات رهيب بالمقارنة مع اقرانها
لكزس ES300 م 02: الفخامة من وجهة النظر اليابانية و عزلها خارق
نيسان باثفايندر 02: متورها قوي عليها
تويوتا كرولا 03: عربية محترمة و ناعمة بس يا ريت كانت 1600
ميتسوبيشي باجيرو 03: تطور هايل عن الموديل الاقدم بس برضة محتاجة قوة
سيتروين C5 م03: عربية فرنساوي بكل ما تحملة الكلمة من معني
تويوتا كرولا 03 1800: حاجة تانية
ميتسوبيشي ماجنا 03: خفيفة اوي اوي اوي علي متور 3500 سي سي
نيسان ماكسيما 03: متور جبار علي عربية خفيفة
GMC يوكون 03: اتوبيس بمتور جامد و انتريور تعبان
سكودا سوبيرب 03: رديفة الباسات بس افخم
ميتسوبيشي لانسر بوما 04: كسرت الدنيا اول ما نزلت و هي بالفعل عربية محترمة
كرايزلر كونكودر 04: تايتانيك عادت الي الحياة بس نسيت المتور
BMW 730Li 05: الفخامة الالمانية و لا يعلي علي سحب ال BM
نيسان مورانو 06: هي دي فعلا ال Crossover
هوندا اكورد 06: مواتير الهوندا لا يعلي عليها
سيات ابيزا 06: عربية صغيرة بس جامدة
فولكس جولف 06 2000: الغرز بيها شيئ ممتع
تويوتا كرولا 06 و 07: المواصفات المصرية بوظتهم
مازدا 3 07: منافس اللانسر الرئيسي
ميتسوبيشي لانسر شارك 07: التطور الطبيعي
فولكس باسات 07: عربية هايلة بس اكيد محتاجة اكتر من 1600
هيونداي الانترا 08: بداية الهيونداي الحقيقية
تويوتا كرولا 08: لولا الفتيس الجديد كانت تبقي هايلة
ميتسوبيشي اوتلاندر 08: شكلها حلو و امكانياتها لطيفة
فولكس طوارق 08: كل ال 4x4 لازم يبقي كدة
سزوكي فيتارا 08: ملك ال 4x4 الصغير
بورش كايين S م09: الرحاء ربط احزمة الامان
مرسيدس S350 م 09: كانك سايق مخده


يلا عايز اشوف مشاركتكم