[موسي احمد]

المشاركة الأصلية كتبت بواسطة tham1010 اهلا وسهلا بيك ومعاك لحد ما تستلم عربيتك إنشاء الله أولا: تقديم الأوراق بيكون فى العنوان التالى // مدينة نصر - الحى السادس - شارع الصحة - بجوار جراحات اليوم الواحد - الادارة العامة للمجالس الطبية...والموظفين هناك يبدأوا بعد الساعة 9 أما عن الأوراق المطلوبة فهى 1- صورة البطاقة الشخصية وكذلك صورتين شخصيتين ( دائما خلى معاك صور شخصية 4 فى 6 فى المشوار ده)، وخد معاك قلم علشان مش تقعد تدور ولا تصور. 2- هيعطوك أستمارة تملاها وتحدد فيها الجمرك اللى هتشترى منه على حسب رغبتك. الأكبر والأكثر رواجا هو جمرك بورسعيد طبعا 3- هتملى الأستمارات والراجل هياخد منك الصور وصورة البطاقة ويفتح لك ملف. مش فاكر إذا كان فى دمغات ولا لا. 4- هتادفع 600 جنية للكشف المستعجل أو 300 للكشف العادى. كله بيدفع مستعجل وهتكشف فى خلال اسبوعين على حسب قائمة الإنتظار. هو هيحدد لك الميعاد والمكان بعد ما تملى الأستمارات... أما عن الرخصة فمش لازم خلاص رخص وفى ناس كتيرة بتجيب سيارات وبعدين تطلع الرخص زى. فوجود الرخصة ليس ضرورى على الإطلاق... وعلى فكرة أى حد ممكن يعمل لك الخطوات دى يعنى لو مش هتقدر تروح القاهرة ممكن تكلف حد بالمشوار دة.. لما تخلص الخطوات دى نبقى نتكلم فى الباقى. ابقى قولى لى عملت ايه.

شكرا علي هذا البيان الوافي
ربنا يجزيك خيرا
وانا انا شاءالله نازل قريب مصر وسوف ابدا في الاجرائات