الف شكر لتشجيعك يا استاذ حازم وادعيلنا ربنا يوفقنا
وطبعا مش عارف اشكرك ازاى يا استاذ كارس ادمير على مجهودك الجبار وبصراحه اخر فيديوهات كانت اكثر من رائعه و ان شاء الله النهارده هنزل اخد البطارية من الراجل بتاع البطاريات و المياه ولكن فيه حاجة دلوقت مش فاهمها الشرائح الموجوده فى البطارية انا طبعا هشيلها وهرميها وهجيب شرائح اخرى بدلا منها حضرتك اجيب شرائح ستانلس ستيل وتبقى فى حدود سمك اد ايه
وعموما يا استاذ كارس ادمير
زى ما انا قولت انا دلوقت فى المرحلة الاولى من المشروع
وهى مرحلة (صنع الخلية القادرة على توليد الهيدروجين)
فلو عرفنا ازاى نعمل ديه مظبوط وان شاء الله هنعملها هيبقى بعد كدا كله سهل بامر الله
بس طبعا عاوز اعملها ان الامان بتاع التشغيل بتاعها يوصل لحد كبير لانى الى الان بتواجهنى مشكلة ان الغاز الناتج هو مزيج الاكسجين والهيدروجين
فيه حاجه بتقول ان الماء لما هيتفكك هيبقى على الشرائح السالبه بيطلع منها اكسجين فقط و الشراح الموجبه اكسجين فقط وان احنا لازم نعمل حاجه بحيث يبقى طالع من الخلية فتحتين
فتحه للهيدروجين فقط
واخرى للاكسجين فقط وانا هبقى احط مشاركه لواحد عمل كده فالبطارية انفجرت منه وبصراحه مش عارف هل بيقول كده لانه عاوز يخوفنا ولا بيقول كده علشان فعلا صادق وربنا ييسر لنا الامور ان شاء الله