المشاركة الأصلية كتبت بواسطة فادى
كلها فى رايى انظمة مزعجة و ضررها أكبر من فائدها,
أى نظام يتدخل فى القيادة (فرملة, تقليل الضغط على الدواسة , الخ), يزعج سائقه اكثر مما يفيده,
عندك مثلا الباركنج سنسور, عمرى ما شفتله شغله غير ازعاج السائق على الفاضى و المليان, و اكتشفت انو بعض هذه الانظمة تبدأ فى الازعاج عندما تقترب سيارة من مؤخرتها,
فأصبحت احرص على الاقتراب من مؤخرة أى سيارة مرسيدس أو بى ام حتى أكاد التصق بالصادم الخلفى لها, و يقضى سائقها وقتا عصيبا مع جهاز الباركنج سنسور اثناء الوقوف فى الاشارة.
يا ريت الشركات تبطل الهطل ده و تركز شوية فى الاداء و الثبات و متعة القيادة, و لا تضيف اى ميزات لا فائدة منها سوى زيادة وزن السيارة و ازعاج السائق.
|
أختلف معاك تماما يا فادى فى رأيك لأن الانظمة دى فعلا بتقلل الحوادث بنسب كبيرة و بالنسبة لموضوع الباركنج سنسور فهوا بيشتغل بس فى حالة إنك جيبت مارشدير أو R يعنى و ممكن تلغى الخاصية بتاعته تماما
و إن كنت إختلفت معاك فى النقاط السابقة أتفق معاك إن التكنولوجيا كل لما تكون عالية أكيد مشاكلها و تكلفتها بتكون عالية فمثلا لو فى خلل فى منظومة الباركنج سنسور هتلاقى علامة فى التابلوه إن فى مشكلة و أكيد ده مكلف
و بالنسبة للأستاذ أحمد كامل الموضوع أكثر من رائع و مجهود ممتاز و شكرا على المعلومات الجديدة اللى عرفتها من خلال موضوعك
شكرا يا أبو حميد