المشاركة الأصلية كتبت بواسطة mmffor
انا لسة شاري سيارة هافي لوبو مستعملة. شكلها لذيذ و كماليات. و طبعا اللي بيبيع مبيعملش اي صيانة ! المهم رحت التوكيل. قدروا التكاليف للصيانه 3000 جنية و بيقوللي ده اقل حاجة و ان كده كمان الاسعار نزلت!!! مروجة رادياتير 500 جنية. حساس كامة 450 جنيه. سلك بوجيهات 200 جنيه موتور مساحات 200 جنيه!! و طقم بوجيهات صيني 70 جنيه!!! الفانوس الامامي الواحد 400جنيه!!!!! وشوية سيور و كاوتش. الاسعار غير شاملة المصنعية! برجاء اي حد يعرف مكان يبيع قطع غيار هافي لوبو جديد أو مستعمل و ميكانيكي بيفهم فيها ارجو المشاركة. اي حد عندوا السيارة و ممكن يساعدني او اي حد عندو اي معلومه يشارك. شكرا.
|
مبدئيا انا مالك لعربيه هافي لوبو موديل 2004 اول يد احب اقول حاجه فيه حاجات لا بديل عنها غير في التوكيل زي حساس الكامه الفوانيس اي قطعه من قطع الصاج لكن فيه بدايل بتركب ومش عايز اقوللك بتبقي احسن من اللي راكب فيها وبيعلي ادائها كمان ودي بعض الملعومات يارب بس تفيدك الاسطوانه والديسك والبليه هات بتوع الدايو ماتز المساعدين اي فرع من فروع شركه مونرو الفرنساوي وموجوده في كل حته خصوصا شارع شمبليون وسط البلد او شارع دمشق مروحه الرداتير دايو ماتز وبتعمل من 200 الي 350 البوجيهات اطلع علي توكيل ان جي كيه خلف توكيل كيا بالمعادي والاربعه هيعملو من 50 الي 60 ودول اصلي مش صيني ونصيحه مني ليك جرب البوجيهات البلتنيوم هي اغلي شويه بس حاجه تانيه في الاداء نفس الموضوع بالنسبه لسلوك البوجيهات انزل شارع دمشق وهتلائيها بتعمل ابتدائا من 70 الي 180 جنيه وسلوك اسبور كمان اجمد من الاصلي بتاعها السيور اخلع القديم وعند اي حد بتاع قطع غيار هيجبلك نفس المقاس والشكل والطريقه دي تعملها في اي حاجه هتغيرها بعد كدا يعني تفك القديم وتاخده معاك وتطابقه بس مع الاسف فيه حاجات لا بديل عنها غير التوكيل لو حد ضئيك هناك بلغ حمايه المستهلك يارب اكون قدرت اساعد ولكم مني وافر التقدير والاحترام
