المشاركة الأصلية كتبت بواسطة Sheeko2010
السلام عليكم ,,,
انا والدى لديه اعاقة او من مصابى العمليات الحربية ,,,
وعايز سيارة من الخارج تكون اوتوماتيك ,,,
ما هى افضل وسيله للحصول على سيارة من الخارج ولا من بورسعيد ؟
وما هى افضل السيارات التى يمكن الحصول عليها" حتى مبلغ 50,000 مصرى " ؟
|
اهلا بيك فى المنتدى...
العربية أتوماتك ولا مانيول بيتحدد بطيبعة الاعاقة. يعنى لو الاعاقة فى الرجل الشمال يبقى اكيد هتكون العربية مانيول. البتر أو الشلل فى القدمين بيكون العربية اتوماتك. حسب الحالة يعنى...
طبعا شراء سيارة من الخارج افضل من بورسعيد ولكن لازم يكون لك حد فى الدولة اللى هتجيب منها العربية يعاين ويدفع لك وتكون مضمونة. لكن لو مش ليك حد يبقى الشراء من بورسعيد افضل..
افضل السيارات هى اوكتافيا من 2000 إلى 2003. هتجيب فى حدود 50 الف لو بتشريها بنفسك من برة. ولكن لو من بورسعيد هتحتاج تزود كام الف على 50 الف لان الاسعار غليت قوى.
يجى بعد الاوكتافيا.. الماتركس، والاسيتى ( شبة الاوبترا) ، النترا ودى كلها فىى حدود المبلغ اللى معاك لو بتشترى من بورسعيد وهتكون ارخص لو اشترتها بنفسك من برة..
إعفاء الوالد بيكون 45 الف وهذا ضعف المعاق العادى. وكمان ممكن تجيب عربية ماتورها 1800 سى سى مش زى المعاق المدنى اللى اقصى حاجة ليه 1600 سى سى