رد: بيتر شيراير كبير مصممى كيا
بس دي حقيقه فعلا ....
احسن مصمم السيارات في العالم طلاينه
بيننفارينا - جيوجيارو - بيرتوني - وغيرهم
وصممو عربيات بره ايطاليا .. بي ام - فولكس - بيجو - ...
ده غير روائع ايطاليا .... فيراري - مازيراتي - الفاروميو -
احلا عربيات في العالم مصممينها طلاينه
هي الفكره مش انهم عباقره او مفيش زيهم ...
لكنهم فعلا اكتر ناس بيصممو العربيه باحساس ...
الالمان بيصممو عربيات حلوه ... لكن تصميماتهم محسوبه بالورقه و القلم .... مفيهاش الحس الايطالي
الكلام ده مش معناه ان التصميمات الحلوه حكر على الطلاينه
لكن ليهم خطوط مميزه ... و بالتالي اللي بيصمم باسلوبهم مش شرط يكون ايطالي علشان يطلع عربيه بملامح ايطاليه
وده اللي عملو المصمم الالماني بيتر شراير ...
كلامه و هو بيشرح العربيه في الفيديو اللي جابو ابونورا تحس وهو بيتكلم انه صممها بحسه الفني ....
بيتكلم بالاسلوب الايطالي في التصميم ... تصميم ديناميكي ... خطوط بسيطه بدون تكلف ... نسب متناسقه ... تصميم بيعكس شعور او ايحاءات ..
مره كانو بيوصفو المازيراتي جران توريزمو ... ازاي بتبهر الناس بجمالها
قالو ان تصمميمها مبهر لانه بيجمع بين صفات القوه و النعومه
القوه في مقدمتها ( ملامح ذكوريه ) و النعومه في نهايتها ( ملامح انثويه )
بارغي كتير و مش قادر اوصل للي عايزه .. هي في النهايه عمليه حسيه ... ازاي واحد يوصف الاحساس !!!!!
على العموم الكيا فورتي جميييييييلاااا ... و شكلها اوروبي خالص ... ( خصوصا ايطالي على فرنسي )
والمصمم ده جاااامد ... و بيقول انه حيعمل شخصيه جديده لكيا بالعربيه دي
تسلم ايدك يا ابونورا على المواضيع الجامده ptmnlo123per112
__________________
من تواضع لله رفعه The ultimate car would be designed by Italians engineered by Germans built by Japanese &
|