رد: مشكلة الفتيس الاتوماتيك
مع احترامي لكل الآراء السابقة الفيس بتاع الدايو نوعين كهربا وواير
بمعني لو فتيس لانوس هو فتيس نوبيرا هو فتيس الليجانزا وده عن علم مش سماعي
اللي يفرق فيهم اختلاف بسط في منظم النقلات حيث ان وير فتيس اللي جانزا اقصر من التانيين
الفتيس الأوتو بتاع النوبيرا تكنولوجيا قديمة بمعني ان محتج عناية خاصة
تغيير زيت و فاتر في المعاد
عدم استخدام الكيك داون الا في حالة الحاجة الماسة لية
اعطالة بتكون بسبب المعاملة السيئة و عدم الصيانة و اغلباها كالتالي
1- عدم النقل من 3 الي 4 او من 2 الي 3 دي بتكون من tourq converter و بيتغير ب 300 جنية
2- ضياع كل النقلات و البقاء عل ي النقلة الآولي فقط و دي من علبة البلوف ب 150 جنية
3- زيادة الRPM و عدم زيادة السرعة بيكون سببها الكلتشات و دي بتتصلح برضة بس تكلفتها نفس تكلفة فتيس استيراد فالكل بيريح راسة ويجيب فتيس استيراد احسن
لو فتيس النوبيرا الوتو مش عاجبك ركب فتيس بيجو 405 مع تغيير قاعد الفتيس الشمال من العجل
او اقلبها مانيوال لو عاوز تاخد اقصي عزم
كل العربيا الأوتو و تحدي بتكون تقيلة في طلعتها و بتسحب بعد كدة مش النوبيرا فقط
العربيات الأوتو الوحيدة الأسرع من المانيوال هي اللي الفتيس بتاعها CVT زي الميني كوبر و دي عدد نقلاتها غير محدود لأنها مش مربوطة بتروس بتبقي مربوطة علي سيور وبكرات قمعية الشكل
اتمني اني اكون افدت الجميع
|