فكر في السكالا لو موش ناوي على اعادة البيع
السكالا دي ضربة كبيرة من توكيل الرينو على قفا توكيل النيسان
على فكرة نيسان تمتلك رينو
السكالا هي هي النيسان صني الخليجي اللي بتتباع هناك:
بالنسبة للخليج يوجد الصني الياباني ويوكل الصني الي إنتا بتقول عليها خليجي ياعني الشكلين موجودين ومش عايز اقولك مين فيهم الي شغال والناس بتطلبه بالإسم علشان ماتقولشي عليا متحيز.
بس نزلوها هنا بعلامة رينو ( لان رينو و نيسان شركة واحدة لو انت تعرف)
الله ينور عليك.
و انا سامع ان التوكيلين في بينهم مشاكل بسببها
خلينا في الحقائق ومالناش دعوة بمين قال ومين سمع المهم النتائج.
العربية من بره اشيك بكتيير
والله دي وجهات نظر وأنا شخصيا أتفق معاك إنها فعلا أحلى قليلا من الصني.
و مواصفات خليجي ( يعني ضمنت العفشة و التكييف)
مين بقى قال إنها مواصفات خليجي مش معنى إني فيه زيها في الخليج هتبقى مواصفات خليجي.
و اوسع من جوه ...لو ركبت الصني هتلاقيها ضيقة من ورا...دي اوسع
فعلا أوسع داخليا من الصني.
بس التقفيل و ياللعجب النيسان المصري انضف بمراحل
وللعجب ليه عايز إيه من عربية بتتقفل في نفس المصنع من ساعة ما فتح في مصر ياعني العامل بليل وهوا نايم بيحلم إنه بيجمع نيسان صني.
توكيل رينو حرامي عن توكيل النيسان اه ... بس محترم مليون مرة عن توكيل النيسان..
أنا ماجربتش توكيل الرينو علشان كدة أن مش هعلق بس هلى إنتا كان عندك عربييتين واحدة نيسان والتانية رينو علشان تحكم.و عنده نية اكيدة انه ياكل السوق هنا ..
إنما الأعمال بالنيات آه بس بردو لا يعلم النوايا غير علام الغيوب.موش زي الوكيل اللي بقاله 11 سنة بينزل العربية هنا و موش عايز حتى يغير شكلها
حاجة تحرق الدم والله العظيم فعلا منتهى التخلف لأنه كدة بيموت العربية (بس دا مش الوكيل دي نيساااان)
السكالا المانيوال 81 الف و الصني غلوها (كمان) و بقت 89 الف
و الاوتوماتيك 87 الف و الصني 94 الف
و الهاي لاين 95 الف و الصني 102.5 الف
موضوع الأسعار دا بيتغير من ساعة للتانية ومن يوم للتاني بس عموما بردو هنا الصني الياباني اغلى من الي إنتوا مسميينها الإسكالا
اعادة البيع و الانتشار ..طبعا تبقى الصني
تمام
قطع الغيار..طبعا تبقى الصني
تمام
وان كنت فوجئت بان واحد معاه صني كان بيشتري عوامة التنك من محل رينو
هما أساسا عربية واحدة في معظم المكونات.
روح شوفها و فكر و قولي رأيك
و مهم برده اني اقوللك اني لما سوقت الصني (اللي هي هي السكالا) مكنتش مستمتع
و اللانسر الشكل القديم او الالنترا الشكل القديم احسن منها في السواقة بمرااااااااااحل
فعلا الصني مش احسن من الإلانترا أو اللانسر بس حاسب إحنى بنقارن سعرالعربية بالعربية.
ياعني لو أنا بشتري الإلانترا بنفس السعر أكيد هقولك عليها برقبة الصني.
و ربنا يوفقك
