[فادى]

المشاركة الأصلية كتبت بواسطة بدر بسيونى لو الشاهين فخر صناعتنا فى مصر يبقى بلاش منه واشمعنى الشاهين عربية الرجال تحديدا؟ يااستاذ فادى بلاش تعصب لعربية اوفئئة بذاتها الموضوع انها عربية موتور وشاسيه عربية حلوة اولا مش مشكلة بس بلاش نكبر موضوع قابل للنقاش وانا لو بختار بين عربيتين احدهم مريحة وسهلة القيادة وكاملة الكماليات وبتستحمل والتانية مش مريحة زى الشاهين والادا اكيد الدنيا بتتقدم والانسان بيخترع ليتقدم وشكرا واستاذ فادى انت متعصب للشاهين وفيات بوجه عام ومابنفعش ننقل تعصبنا لصفحات المنتدى لان الناس هنا اللى فاهم فى العربيات واللى مش فاهم بيقرا ويتعلم من هنا وكمان حضرتك مشرف قدير ولا احد ينكر ده فالحيادية افضل شئ لاننا مسئولين عن كل كلمة وانت من الناس المسموع كلمتهم فى مصر موتورز (ماشاء الله) فبالتالى التعب والدفاع تجاه نقطة واحدة حاجة مش لطيفة لانها حتحسس ان الموضوع ماشى فى اتجاه واحد ارجو منك تقبل كلماتى بصدر رحب وشكرا

الموضوع ده يا أستاذ بدر يتكرر فى عدة منتديات مثل الدودة,
صدقنى انا قرأته حتى الأن فوق الاربع او الخمس مرات, معرفش مين كاتبه الاصلى الا ان الموضوع موجه تماما لغرض ما, و عدم المصداقية و التهجم فيه واضحة جدا, فهو ينضح بالتعصب و الجهل و قلة المعلومات,
كاتبه الاصلى غير معلوم, لكنه من الواضح أنه ليس مجرد شخص يبدى رأيه فى سيارة, بل هو شخص موجه لأهداف معينة.
الواضح برضو ان كاتب هذا المقال لم يركب شاهين فى حياته, و لا حتى شاهين تاكسى لأن أفضل تاكسى ممكن تركبه هو الشاهين, انا شخصيا لما بوقف تاكسى بحاول قدر الامكان يكون شاهين, لأنه دائما بيكون الأسرع و الأكثر راحة. و اعتقد ان الكثيرين مثلى يفعلون ذلك.
لست انا المتعصب و غير الحيادى, بل كاتب الموضوع هو الغير حيادى, و المشكلة انه يفضح نفسه بنفسه,و ان كل من ركب الشاهين يستطيع ان يفند هذا الموضوع تفنيدا.
لكن هنعمل ايه فى الناس التى تعتقد ان كل ما صنع فى مصر هو خردة لا يستحق الركوب.
لك الله يا مصر.

و فى النهاية كل سنة و انت طيب.