عيوب ومميزات السيراتو من مهندس صيانة بالتوكيل
السلام عليكم ورحمة الله
انا يا جماعة مقبل على شراء كيا سيراتو
وليا معرفة بمهندس صيانة في توكيل كيا وقالي العربية ممتازة جدا وسالته ايه الفرق بين الخليجي والتوكيل قالي بصراحة الخليجي اعلى وامكانياته افضل تخيلم برغم ان رده كان مفاجاة ليا لانه راجل شغال في توكيل كيا وقالي عن مميزات العربية
1- العربية معمرة جدا في قطع غيارها يعني بيقولي سير الكاتينة مثلا يتم تغيره بعد 100 الف كيلو
2- تيل الفرامل بيكشفم عليه بعد الثلاثين الف
3- بخصوص العفشة قالي بالعكس مع الاستعمال العفشة بتلين وبتكون كويسة لان المعارض بتكون مزودة الكاوتش لغاية 50 علشا تكون العربية واقفة عالية في المعرض
4- بيقولي قطع غيارها سواء الخليجي او التوكيل متوفرة بس عالية شوية بس دا مش عيب لانها قطع معمرة
5- اتاكدت من موضوع التكييف قالي بالعكس كويس جدا ومفهموش مشاكل
6- يفضل الجنط يكون 16
7- الماتور كويس جدا وخاصة التقفيل الخليجي
بخصوص العيوب :
العيب الوحيد اللي فيها ودا اللي قلقني
- قالي هوا العيب في ثبات العربية ودا مشكلتها يعني بعد 120 بتحس ان العربية خفيفة واتزانها بيقل والعيب دا حيرني جدا هل مصر الواحد يقول انه ما بيجريش فيها ولا ايه مش عارف بقى لان المعلومة دي تخوف جدا .
فايه رايكم يا جماعة في الموضوع دا وخاصة اني كتبت امبارح عقد الشراء بس بصراحة بافكر ارجع في كلامي تاني .
|