[mf]

المشاركة الأصلية كتبت بواسطة mmffor الظابط محمد قال ان حتى صدام حسين و المفاجأة الكبيرة انه قدر يقارن صدام حسين رمز العروبة و الشرف اللي خلى نسبة الامية و الامراض المستوطنة و الوبائية في العراق صفر بمين؟؟ بحوستي!!! اللي نسبة الامية زادت في عهد معدل الانبطاح ارتفع في عهدة لدرجة ان امريكا تقول يميم - يمين شمال شمال - اللي منع قافلة الحرية تدخل غزة - اللي كرامة المصريين في العالم كله باقت صفر كبير - و جوا بلدهم باقت اقل من الصفر شوية - حوستي اللي انفلونزا الطيور و الخنازير قعدت و برطعت و ترعرعت في بلده و هو زي الباشا و وزير صحته برنس حوستي اللي حب يعمل تنظيم اسرة راح معدل المواليد زاد - اللي باع البلد كلها - اللي طبع مع اسرائيل و برضه كل يوم و التاني اسرائيل تموت كام عسكري حدود ( بالخطأ ) و هو يقول المسامح كريم الكبد الوبائي اللي قتل والدي و مئات الاولوف من المصريين انتشر و اصبحت مصر على رأس قائمة الدول المستوطن فيها المرض الفشل الكلوي - و السرطانات بانواعها انهيار المنظومة الثقافية و التعليمية و الطبية و الاخلاقية انتوا مش واخدين بالكوا اننا عايشين في اشلاء وطن!!! نحن اصبحنا نتنافس مع دول العالم الثالث على المؤخرة!!! و يا ريت بلاش النظرة السطحية الانانية التي نتظر بها الى نفسك - انك رايح الشغل الصبح و راجع اخر النهار و معاك اللي مكفيك و مستورة و الحمد لله الحمدلله على كل شيء طبعا - لكن فين انسانيتك و ادميتك و احترامك لنفسك قبل الثورة - لو واحد خبطك او انت خبطت واحد بالسيارة و اتصلت بالشرطة هل كانوا بييجوا علطول؟ احتراما ليك؟ و لما بييجوا هل كنت بتاخد حقك؟؟ ليه سعر كل حاجة في مصر اغلى من برة؟؟؟؟ حتى الاكل و الشرب!!!! مع ان الدول برة برضه بتاخد ضريبة و يمكن اقل كمان من اللي في مصر!!! فين الرقابة؟؟ عشرات من الهيئات الحكومية بل مئات ملهمش شغلة ولا مشغلة!! ولا يقوموا بعملهم على الاطلاق تروح المحكمة ترفع قضية للحصول على حقك تتلطع عشرات الشهور!!! لو عندك شقة و مأجرها و المستأجر حب يبرطع قدامك ولا سنتين علشان تعرف تمشيه!!! و 5 سنين علشان ترفع قضية للحصول على الايجار المتأخر!!! لو حصلت عليه اصلا!!! لو بتتعامل في السوق و عندك وصل امانة نظير نقود مدفوعة قدامك 3 سنين علشان يتحكم ليك فيه و في الاخر تاخد حكم - و تلاقي بتوع تنفيذ الاحكام ياخدوا الحكم بتاعك و يحطوه في الدرج!!! فين حقك!! بح خلاص - انت مش خدت حكم! ايه ناقص تقولهم يشوفوا شغلهم و يدوروا على الجاني كمان!!! و لو عايز حقك يا تروح تقبض عليه بنفسك و تسلمه ليهم يا اما تغرقهم فلوس كل يوم لحد ما تصعب عليهم و يجيبوه مهزلة في كل جوانب الحياة و في الاخر يتقارن بصدام حسين

فعلا لايجب ان نقارن مبارك بصدام حسين فرق شاسع جدا يااخي

اذا كنا نتحدث عن 1000 شهيد في الثورة ومثلهم في عبارة السلام ومئات الالاف بالكبد الوبائي والسرطانات

فصدام حسين بضربة واحده قضي علي 800000 من سكان مدينه حلبجة

صدام حسين رمز العروبه قصف البصره بالطائرات حتي تمت تسويتها بالارض

صدام حسين الذي اعتدي علي بلد مسلم مسالم واعتبره محافظة عراقية وكان سببا في احتلال امريكي للخليج

صدام حسين الذي جعل العراقيين يتحدثون بالاشارة حتي في بيوتهم خوفا من بطش اجهزته

صدام حسين الذي هرب وترك بغداد الرشيد بدون مقامة لقمة سائغه للامريكان

نعم بكيت يوم اعدام صدام حسين لانه مهما كان عربي مسلم ولو شنقه شعبه مابكيت عليه

فعلا لايصح ان نقارن هذا بذاك


المهم هتفطر ايه النهارده؟؟؟؟