[ابا الطاهر]

السلام عليكم
ياريت حد يدلني على مقاس البيكات الصحيحة لكاربرتير رينو 9
أنا اشتريت السيارة منذ عام ، وكان وقتها لا أسمع صوت للسيارة وأنا ماشي ،وبعدين بدأت أسمع صوت عالي للسيارة عندما أدوس بنزين كأنها عربية جاز ، قالولي ده عيب كاربرتير ووصفولي واحد في إمبابة منه لله فك الكاربرتير وقالللي ان البيكات الموجودة بايظة وغير طقم البيكات عرفت بعد كده إن مقاسها 105 ، ومشيت وبعدبن لاحظت ان السيارة تسحب بنزين كتير ومش بتسحب في الكباري وما زال الصوت عالي -- رحت لواحد تاني في شارع باحثة البادية شكروا فيه فك الكاربرتير وقاللي إن البيكات دي واسعة وراح مغيرها بمقاس 95 ومشيت وبالفعل السيارة بدأت تسحب في المشي ويقل البنزين بس المشكلة إنها كانت بتقطع وخاصة عند الصباح وتشعر و:ان السيارة مخنوقة.
وصوفولي واحد في الشرابة شكروا فيه وأن لازم تحجز قبل ما تروح ، وبالفعل روحتله وقاللي لا إن 95 ده مقاس كاربريتر الريجاتا أما الرينو 9 فمقاس البيكات 105 وراح مغيرهم وظابط الكاربرتير على كده
المشكلة إن صوت الماتور مازال كما هو وأن السيارة تستهلك بنزين كتير حالي 18لتر كل 100 كيلو
ياريت حد يقولي المشكلة فين في مقاس البيكات أم ماذا وليه صوت العربية علي بالصورة دي أفادكم الله