[zing0]

السلام عليكم
معلش قد يكون الموضوع غريب بس عمّال أسأل و مش لاقى إجابات
ربنا كارمنى بلادا 2105 ثمانينات على قد حالها و حالى, و هتبدأ تفتح بقها فمش عارف أصلح و لا أغير .
بأفكر أغير لماروتى بس مسألتش حد غير لما قالى .... لأ بلاش
- واحد قالى بعد متركب عربية ترجع تركب توكتوك
- لما تحب تعلى دور على كماليات متنزلش لتحت بعربية أضعف و إمكانيات أقل و برضو بدون كماليات
- الماروتى عالطريق كله بيستقل بيها و يرمى عليها مش زى اللادا
.......إلخ, طبعاً الكلام كتيييييييييييييير

بس أنا بينى و بين نفسى حاسس إنها مناسبة للتالى:
- معظم إنتقالاتى داخلية و فى إطار محدود و تقريباً مفيش سفر, و غالباً لواحدى
- إستهلاك البنزين فيه فرق بين اللادا و الماروتى و كده كده ماشية بشخص واحد مش محملة حاجة
- كرهت العيال اللى كل شوية يقعدوا عالكبوت و الشنطة
- الأسرة صغيرة
- قطع الغيار فى متوسط أسعار اللادا (و ده مهم جداً بالنسبالى و اللى مخلينى مستبعد أى حاجة تانية عالية لإن أكيد قطع غيارها أغلى و تركيبها غالى) و الموديل أحدث لصالح الماروتى
- سحب و تسارع الماروتى أفضل من اللادا و صوت المكنه برضو

طيب ليه كل الناس قافلانى منها
الميكانيكى و الأسرة و زمايلى و نصايح الخبراء هنا
أنا ياما نصحت ناس كتير بيها و لازلت مقتنع بيها بس القرار لما يكون لنفسى بأكون محتاج حد يفكر معايا.

معلش طولت عليكم بس مستنى رأيكم بفارغ الصبر لإنى محتار جداً