السلام عليكم
الحمد لله رب العالمين
إمبارح كنت مع الأسرة فى حلوان
و راكن و واقف و شادد الهاند و قدامى عربية نقل راكنه برضه
و فجأة لاقيت أتوبيس سياحى بيلف من ورايا و راح خابط فى زاوية الشنطة و العربية أتزقت بسرعة - و إحنا جواها - و كنا هنلبس فى النقل أمامى!!!
الشارع واسع جداً بس هو أخد الدوران على ضيق
ستر ربنا شديت الهاند زيادة و دوست فرامل عالآخر و نزلت أشوف إيه اللى حصل.
طبعاً - و كالعادة - الراجل غلبان و رايح يلحق إبنه فى المستشفى و .... و الكلام الفاضى ده.
الحمد لله إن البنى آدمين بخير و ربنا يستر علينا جميعاً.
و فى نفس ذات اليوم, راجع بالليل من حلوان على الأوتوستراد, و فى عين حلوان, و الطريق مظلم كالعادى بتاع أى طريق سريع, و لاقيت نفسى دخلت فى بركة مياه مطر و طرطشة و طبعاً العربية وقفت فجأة !!!
ستر ربنا كنت مقفل شبابيك العربية كلها و الحمد لله تانى إن مفيش حاجه كانت ماشية قريب منى.
كان يوم عجيب و رجعت عاوز أنام علشان اليوم يخلص.
=======================
عاوز أعرف بس الخبطة دى تتكلف كام سمكرة بس (صاج و أكصدام) بدون الضفر و وش الفانوس. و لو هأرش هأرش الرفرف كله و لا الجنب و لا الجنبين و لا إيه بالضبط؟ و بكام برضو؟
أسألكم الدعاء