عرض مشاركة واحدة
  #10  
قديم 29-10-2012, 02:17 PM
الصورة الرمزية Sky_Rider
Sky_Rider Sky_Rider غير متواجد حالياً
من انا؟: كان نفسي اطلع طيار .. طلعت مدير نظم معلومات .. :)
التخصص العملى: مدير قسم نظم معلومات
هواياتي: الطيران و علومه - السيارات وكل ما يخصها
 
تاريخ التسجيل: Mar 2012
الموقع: شرم الشيخ
المشاركات: 128
Sky_Rider is a splendid one to beholdSky_Rider is a splendid one to beholdSky_Rider is a splendid one to beholdSky_Rider is a splendid one to beholdSky_Rider is a splendid one to beholdSky_Rider is a splendid one to beholdSky_Rider is a splendid one to behold
افتراضي رد: صور امجراند EC7 عالية الدقة .. صور تفاصيل السيارة كما هي موجودة بمصر


المشاركة الأصلية كتبت بواسطة baba mohamed مشاهدة المشاركة

الأخ الفاضل sky_rider
شكرا على الاهتمام والرد وإن شاء الله سأذهب خلال الأيام القادمة لرؤيتها ولكي اتخذ قرار الشراء النهائي ، ولكن لي سؤالين :
1- عندما ركبتها كيف وجدت شعورك بالنسبة للإحساس بالفخامة والراحة؟ وكيف يبدو اتساعها من الداخل من الأمام والخلف بالنسبة لباقي السيارات المتوسطة والتي ركبتها أنت شخصيا مثل اللانوس أو الفرنا أو السيراتو ....إلخ؟

2- هل أعطوك في غبور موعدا للاستلام ؟ وكم تبلغ الفترة من تاريخ التعاقد إلى الاستلام؟
وأرجو أن لا أكون قد أثقلت عليك بارك الله فيك وجزاك عنا كل الخير.
انا تحت امرك في اي حاجة ...
انا عن نفسي ارتحت جدا فيها .. رجعت الكرسي لحد ما لقيت القعدة مريحة ..الكرسي متين و وضهره ثابت... اعتقد ان كان لسه فيه سنة رجوع كمان ... مع العلم ان طولي 185 و مش من السهل اني ارتاح في اي عربية .. مسكت الدكسيون .. و سرحت كدة .. الفيو كويس .. العدادات واضحة .. ايدي جايبة كل حاجة بسهولة .. شكل التابلوه و الكونسول مريح نفسيا و شيك ومتين ... بجد واسعة جدا من الداخل لاني رجعت ركبت ورا كرسي السواق و انا مرجع الكرسي ... ركبي مجابتش الكرسي اللي قدامي .. كان في حوالي 3 او 5 سم .. الكنبة واسعة .. مريحة لثلاث افراد بالغين من الحجم الكبير .. تكفي 4 افراد من الحجم المتوسط او الصغير .. ولا تقارن في الحجم الداخلي باي من السيارات اللي حضرتك ذكرتها .. هي اكبر و واوسع من السيراتو .. عشان تتخيل حجمها .. شوف كروز اورينو فلونس ... اطول من الكروز ب 5 سم , والفلونس ب 3 سم .. و ده طبعا منعكس على الاتساع الداخلي في المقصورة .. و الشنطة .. و حوض الموتور .. و بالطبع الحجم الخارجي ..
التسليم باسبقية الحجز .. و التسليم هيبداء من 15-11- 2012 .. استاذة مروة من المبيعت كانت صريحة معايا و قالتلي صعب اديك ميعاد محدد الان .. جدول التسليمات هيصدر بعد العيد .. ووعدتني انها هتكلمني بعد العيد لما يتحدد الميعاد .. قولتلها طيب اديني فترة ..قالتلي ما بين 15-11- 2012 .. و 30-11-2012 ... يعني في رنج اسبوعين من بداية التسليم .. احترمتها جدا لانها كانت ممكن تديني اي ميعاد يفرحني ... و يعد كدة تعتذرزي غيرهم من التوكيلات .. بس هي كانت صريحة معايا .. و انا قدرت ده ..

اي استفسار تاني انا تحت امرك
تحياتي

احمد شهاب
رد مع اقتباس