رد: اسئله المبتدئين ..عفوا ممنوع الفتى :)))
شكرا جزيلا ا/حسام
|
لا شكر على واجب يا فندم ..
طيب انا سمعت ان لو خلليتنى على الغيار و دوست دبرياج و فرامل ده بيبقى مكتف العربيه احسن و ما تجريش منى ؟ ايه رايك فى الكلام ده ؟
|
الكلام ده صحيح فى حالة ان حضرتك تخليكى على الغيار بس من غير ما تدوسى دبرياج ..
حتلاقى العربية متكتفة شوية فعلا زى ما حضرتك قولتى .. والتكتيفة دى بتزيد حدتها كل ما الغيار يكون اقل ..
والتكتيفة او الفرملة دى فكرتها ان الموتور موصول بالعجل (لان العربية واخدة غيار والدبرياج معشق) .. تمام ..
فعلشان العربية تجرى (بفعل الجاذبية وهى نازلة من الكوبرى) لازم الموتور كمان يلف مع العجل وده اللى بيسبب الفرملة او التكتيفة دى ..
والموضوع ده اسمه فرملة الموتور او engain break ...
2 هل ممكن انقل من الغيار الرابع للتانى لو رجلى تقلت على الفرامل شويه و انا بهدى و اللا لازم اعدى على التالت؟
|
لا عادى خالص مفيش اى مشكلة طالما سرعة العربية مناسبة للغيار اللى هتاخديه ..
بمعنى : نفترض ان حضرتك ماشية على سرعة 80 مثلا على الغيار الرابع وفى ادامك مطب مثلا هيحتاج انك تجيبى التانى بعده .. يبقى ممكن نمور ونستنى لما العربية تعدى المطب ونجيب التانى ونكمل ..
وممكن نجيب التانى من ساعتها بس نفضل دايسين دبرياج لغاية لما نهدى ونوصل للسرعة اللى تناسب الغيار التانى ...
وهكذا على جميع الغيارات ...
اى استفسار تانى تحت امرك يا فندم ..
__________________
رحـــمـــــــــــة الله عـــلــــــيـــــــك يا حــبـيـبـنــــــــا
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ
التعديل الأخير تم بواسطة حسام البورسعيدى ; 23-03-2011 الساعة 04:32 AM
|