رد: يااهل الخبرة هل فورد فيستا كربية كويسة
علي فكره سؤال للاخ اللي رد وقال اوعي تشتري العربيه الفيستا
انا متاكد مليون في الميه انه لاركبها ولا استخدمها وممكن يكون عن السمعه بس
اولا العربيه دي في منها 1100سي سي و1300سي سي ومنها تقفيل اسباني ومنها بتيجي الماني
والكماليات بتبقي في الكلاسيك فاضيه من غير كماليات والتانيه بتبقي جميع الكماليات ماعدا الفتيس
بالنيبه لتجربتي الشخصيه للسياره انا بشتغل مهندش وكنت في موقع في اسكندريه وانا اصلا من القاهره في 6 اكتوبر كنت بسافر مرتين في الاسبوع بيها والعربيه ماكنتش بتزعلني والهي عمرها ماعطلت الاهم من كده والدي تعب ودخل المستشفي وكنت بسلم المشروع كنت بروح اسكندريه واجي كل يوم بيها والهي مازعلتني علي فكره انا كان معايا اكسنت 99 بعتها بعد شهرين بسبب عم ثباتها علي الطريق وجبت الفورد فيستا تحفه مستحيل تسخن وشيك وبتمن ال128 اللي نفس سنه الصنع
قطع الغيار
عاديه جداا في بعض الحاجات الفوانيس والمرايات والاكصدامات بس اللي ممكن تلاقي عنده حاجاتها كتير وهاتلاقي صيني وتركي والماني كمان الناس اللي في شارع زكي في التوفيقيه في واحد في الممر بس مش فاكر اسمه دلوقتي وعلي فكره اللي بيقول ان العربيه دي حاجاتها غاليه الموتور كله استيراد ب1600 جنيه الفوانيس اللي ورا ب 50 جنيه كامل هاتشيل القديم وتركب الجديد مكانه يعني كامل حتي باللمبات
معلش انا طولت واتمني اني اكون رديت عليك ياباشا
علي فكره انا بعتها علشان سافرت للخارج
|