[Om Marem]

المشاركة الأصلية كتبت بواسطة AbOnOrA بصى يا ام مريم من حيث التغيير ممكن تطلعى من ال 28 لحاجات مستعملة فى الرينج ده بس برضو هتكون موديلات تمانينات وطبعاً لا ننصح بتغيير مستعمل قديم كدة بمستعمل قديم زية الا لو عندك مشاكل فى العربيه الاولى وفتحت بوقها زى ما بنقول لكن طول ما العربيه اصيلة وبنت حلال يبقى خليها اما من حيث السواقة لو حضرتك معندكيش مشاكل فى السواقة فى الزحمة على سرعات وعلى السلانسية فى الطرق العادية والاتجاهين بتدخلى شارع ديق او حارة تلاقى عربيه فى وشك وتتعاملى ومفيش مشاكل بتركنى عادى وتطلعى عادى كل ده معناه انك وصلتى لمرحلة التمكن من السواقة مش بنقول محترفة بس الدرجة الكافيه لانك تركبى عربيه وتحافظى على نفسك فيها وعلى العربيه نفسها طبعاً لكن مهما كان الواحد فينا سواق لاقدر الله معرض للحوادث طبعاً لكن يمهنا اللى بيركب عربيه جديد يوصل بس لمرحلة التمكن علشان حرام يبهدل عربيه جديدة بسبب اخطاء مبتدئين لكن مفيش اخطاء مبتدئين يبقى حضرتك جاهزة للمرحلة التانية ربنا يوسع عليكى وعلينا جميعاً يارب

جزاك الله خيرا ابو نورا
الحمد لله العربيه اللى معايا حالتها كويسه رغم انها موديل 76 بس ماشيه
بالنسبه لكلام حضرتك فتقريبا انا بعمل 80 % منه يمكن الركنه والتحضين لسه شويه
انا هاستنى ان شاء الله لاخر السنه الدراسيه اكون اتمكنت اكتر من السواقه وربنا يرزقنى بمبلغ كويس اجيب عربيه كويسه وفى نفس الوقت اخد عليها فى الاجازة بعيد عن توصيل بنتى عشان ما اخاطرشى بيها
جزاك الله خيرا على ردك