عيوب الصناعة شئ معرض ليه اي خط انتاج لاي سلعة مش بس عربيات
العيب اه خطير ،، مع ذلك هو مش حاجة كبيرة و بيتصلح في نص ساعة زي ما اتفضلت حضرتك
لكن تناول الكونجرس للموصوع زاده حدة ،، و اكيد الامريكان ما صدّقو حاجة تهز منافسيهم
زي كدة ما كان بيتم الترويج للبوينج كدة من اعلى مستويات حكومية امريكية في مواجهة الاير باص
اللي عايز اقوله ان الموضوع زاد بسبب منافسة شرسة بين كيانات اقتصادية كبيرة
من جانب تاني .. في رأيي ان تويوتا ماكنش عندها الاختيار ، لانهم لو كانو تجاهلو شئ زي ده كانت هاتبقى العواقب
اكبر من اللي حصل بكتير جدا جدا - اللي عملته تويوتا هو اول خطوة عملية على طريق استعادة ثقة عملاءها
اللي اتهزت بالفعل من اول ما ظهر العيب ،، مش من اول ما تم الاعلان و اللغط الاعلامي اللي حصل
في اعتقادي الشخصي - ان مركز الشركة المالي هايتأثر سلبيا في الفترة اللي جاية بسبب :
- التكاليف اللي هاتتكبدها الشركة في عمليات السحب و الاصلاح
- التراجع اللي بلا شك هايحصل في مبيعات الشركة في الفترة اللي جاية
- تكاليف الاجراءات اللي هاتاخدها الشركة لاستعادة مكانتها (خطة تسويقية قصيرة المدى)
و بالنسبة لرأيي الشخصي في تويوتا ،، ماتغيرش اطلاقا - ولا كأن في شئ حصل
شكرا جزيلا على الطرح