رد: اكتر عربية بتحبها ايه واكتر عربية بتكرهها ايه (قول بصراحة)
العربيات الحلوه كتير و الوحشه برضه كتير....
صعب الواحد يقول احسن عربيه لكن ممكن نعمم شويه نخلبها بالبلد لأن كل بلد و ليها طعم في عربياتها.
بس عامه الالماني له طعم تاني...... بي ام ..... جيتا .... جولف و اه من الجولف ..... استرا GTC (كوبيه) Audi اي واحده A3 - A4 -A6 - A8 ..... بورش كايين .... والمرسيدس ربنا يوفقها بس عمري ما حسيت بيها (محدش يسألني ليه انا نفس مش عارف حتى لو قدرت على تمنها عربيه اووفر).
الفولفو دي قصه لوحدها.
الايطالي احسن ناس - كفايه ان احسن مصممين طلاينه بس مش لبلدنا للاسف - الفا روميو - فيراري - لامبورجيني - وفيات طبعا (البرافو تجنن).
الفرنساوي ok - بيجو و رينو و سيتروين بس فيه احلى و الالماني غطى عليه.
واذا كان الياباني اتمسكن لحد ما اتمكن فده حقه ..... يعني تويوتا النهارده عدت GM ... بالرغم اني عمري ما حبيت شكل الكورولا ..... بس كفايه ان عندهم شركتين اسمهم هوندا و ميتسوبيشي
المشكله بقت في الكوري اللي استعبط لحد ما اتـنـطـــــت ....... يعني عربيه مافيهاش اي safety - يعني لا ايرباج و لا Abs ولا ebd ..... و ب 93000 ج. طب بأمارة ايه !!!!! رفعوا الكابوت شويه!!!ptmnlo123per155
الامريكاني كله بدون تعليق فيما عدا الشيروكي.
الروسي عليه السلام باي باي لادا .... ايه اللي رجع النيفا تاني و السنتر بيعمل ايه ده هما بابين واحد باليمين و التاني بالشمال.
الصيني زي باق منتجاتهم.... فيه احسن منه بس مضطر تشتريه
اما اوحش عربيه في الكون و معرفش ايه اللي جابها هنا ماهيندرا سكوربيو من اول اسمها و جسمها ورسمها ونسبها وكل كل كل حاجه فيها لو حد شايف فيها حسنه واحده يا ريت يقول.
|