[عصام غنايم]

استكمالاٌ لسلسلة لمواضيع اعمل صيانة عربيتك بنفسك

http://masrmotors.com/vb/showthread.php?t=27375

http://masrmotors.com/vb/showthread.php?t=27376

http://masrmotors.com/vb/showthread.php?t=31692

http://masrmotors.com/vb/showthread.php?t=40309

حبيت اعمل موضوع خاص بالعربيات القديمه لأن الطريقه مختلفه معاها عن السيارات الجديده

هنبدأ بسم الله

بالنسبه للعربيات القديمه واللى الميه بتاعتها مية حنفيه و كلها صدأ

هيبقى طريقة التعامل معها كالأتى

والعربيه بارده تماماٌ

هنفتح غطاء قربة الميه

ثم

هنفك طبة الريداتير السفلى او ( الجزره )

وده مكانها تحت المروحه الكبيره




وده شكلها



العربيه هتفرغ مية التبريد كلها على الأرض

هنفك حساس الحراره ده بعد خلع فيشته

وده مكانه



وهنضفه كله بسلك الومنيوم ناعم

وهيبقى شكله كده



هنركبه تانى ونوصل فيشته

ثم

هنفك الحساس ده كمان بعد ما نسحب الفيشه من رأسه

وده مكانه



وبرده ننضفه كله بسلك الومنيوم ناعم ونركبه تانى ونوصل فيشته تانى

هنقفل طبة الريداتير تانى

هنفك الخرطوم ده ونوصله بمكان تصرف فيه الميه ( بلاعه , برميل , على الأرض )



ثم

هنجيب خرطوم مية حنفيه ونفتح الميه جوه القربه

هندور العربيه ونزود بنزين ونبص على الميه اللى نازله فى الصرف لحد ما نلقاها نضفت وتحولت من اللون البنى الى اللون الشفاف

هنقفل الميه ونركب الخرطوم تانى فى القربه

لو كانت القربه وصلت للمرحله دى



يبقى نغيرها هى والغطاء بجداد افضل



القربه الأصلى ب 45 جنيه

الغطاء الألمانى ب 25 جنيه

بعد ما غيرنا القربه والغطاء نكمل تانى

هنفتح طبة الريداتير تانى ونزل الميه تانى كلها على الأرض

هنضغط هواء جوه القره من بلور او من مسدس هواء علشان ننزل كل الميه الموجوده جوه المكنه والريداتير

هنقفل طبة الريداتير تانى

هنفرغ نص جركن مية الريداتير الأسبانى ( الجركن ب 35 جنيه )

وده شكله



هنفضى كانز ابرو الأمريكى كله جوه القربه

وده شكله



هنزود بالجركن تانى لحد الميه ما توصل لحد لحام نصين القربه الوسطانى

هندور العربيه ونستنى شويه

هنزود بالجركن تانى لحد الميه ما توصل للعلامه تانى

هنقفل غطاء القربه وبالهنا والشفاء

بعد يومين هنفتح غطاء القربه والعربيه بارده ونبص على مستوى الميه فيها نقص ولا تمام

اخيراٌ اتمنى ان لا تنسونى من دعائكم الصالح

ولكم منى خالص التحيه

اخوكم

عصام غنايم