المشاركة الأصلية كتبت بواسطة أيمن عنابى
السلام عليكم:
احب اولا ان اعرفكم بنفسى انا أيمن عنابى من السويس ، بصراحه انا اكتشفت وبعد بحث طويل بالمنتديات والمواقع ان العربية البروتون ساجا عربية محترمه جدا.
انا كان معايا عربية كيا برايد كورى اصلى تقفيل خليجى العربية جابت اخرها فبعتها بس كانت ممتازة جدا والله المهم بعد طووول بحث ودراسة متعمقه عشان اشترى عربية جديدة في حدود من 60 الف الى 75 الف قررت اشترى الساجا والحمد لله اشترتها ولونها ابيض ( اشد لون فيها مع انى مش بحب الابيض) بس اللون ده جامد في الساجا المهم عشان تنوى تشترى عربية لازم توضع نقاط مهمه جدا وهى:
اولا: السعر معاك كام
ثانياً: الجوده
ثالثا: قطع الغيار والصيانه
طبيعى السعر اللى معاك يحكمك فى شريحه معينه من السيارات فبالتالي نختار من الشريحه دى اللى يناسبك انت وظروفك يعنى الكيا البيكانتو متنفعش غير لبنت او مدام بس مع احترامى للشباب مالكى البيكانتو لانها عربية حريمى بناتى اكتر.
اما لو حضرتك شاب ومقبل على الزواج وتكوين اسره فمش هتنفعك البيكانتو خاااالص ( طبعا ضيقه وغير عائلية ) ** الساجا شبابيه عائليه جداا **.
نيجى بقي للفيرنا ( الفره) مع احترامى لماليكهاعربية كورى وحلوه الشكل لكن موتورها قوى اكتر من الازم عليها وهى مش ثابته خالص مع السرعات وصاج ضعيف ( اغلب الحوادث وده كلام حقيقي لازم يكون فيها فيرنا ) وصالونها ضيق جدا ** اجلس بصالون الساجا وانت تلاحظ الفرق والراحه **.
اما الاخت اللوجان فهى عربية كويسه وصاج متين جدا وعاليه عن الارض بس سحبها وقوة ماتورها ضعيف جدا بالنسبة للساجا الخطيره الاقوى سحب ومتانه موتور ده بخلاف انا اللوجان فرنسي لكن تقفيل مغربي .
دى بعض المقارنات والملاحيظ بين تلك الشريحه من السيارات بس احب اقولكم ان الساجا مميزاتها وعن تجربه وكلام اكيد من مواقع مختلفه وهى :
قوة سحب عاليه جدااا ، قوة موتور الخاص بشركة لوتس الانجليزية طبعا عرفين عربيات الفورميلا ، شكل جذاب جدااا ، شاسيه الساجا وده كلام اكيد شاسيه من الحديد الصلب ، ماكينة الفيتيس الاوتوماتيك ماركة متسوبيشى لانسر اليابانيه الاطول عمراً ، الجنوط الاسبور ، والعفشه الرياضيه ، طبعا بخلاف باقى الكماليات الجميله انتو عارفنها .
دى وجه نظرى وتحليلى من البحث الطويل جدا قبل شرائي لها .
من عيوبها اللى شفتها طبعا الدريكسيون مش خفيف زى باقى العربيات بس ده مش عيب لأنه هينفعك اوى لما تكون سايق على سرعات عاليه ( تحكم عالى جدا ).
مجال الريموت للمفتاح صغير 4 متر بس .
شفتوا طبعا مميزاتها وعيوبها اللى ناوى يشتريها يتوكل على الله وبجد مش هيندم ابداااااااا .
|
عندى كدة شوية كلام عايز اقوله.......... اولا انا مش بحب الساجا دية... هى ممكن تكون عربية كويسة .......... بس عربية لم تحقق اى نجاح فى مصر ....وخير دليل...... المبيعات بتعتها قليلة والناس الى بتشتريها قليلة............. السيارة غير منتشرة بالمرة " يعنى نادرا لما تشوف واحدة فى الشارع " دة اولا
ثانيا بالنسبة للمقارنات الى انت عملها..... اللوجان عربية ممتازة زى ما انت قولت بس موتورها مش ضعيف وذالك عن تجربة
ثالثا صالون الساجا ضيق زيه زى الفيرنا الفرق مش كبير اوى بينهم
رابعا والاهم......... انت قارنت الساجا ديه باللوجان والفيرنا علشان فى نفس الفئة السعرية بس انت نسيت العربية لى تضرب الساجا "معلش يعنى" بالجزمة والعربية هى speranza a516
انا عارف انها صينى وهتقعد تقولى العيوب التقفيل وشوية كلام فاضى كدة ......... انا عارف ان العربية فيها عيوب فى التقفيل بس دة كان فى الموديلات القديمة لكن موديلات 2010 و2011 لا يوجد بهم اى عيوب فى التقفيل ولا عيوب فى الصناعة
وزى ما انت عملت مقارنات برحتك انا كمان هعملك مقارنة صغيوة بين الاسبرانزا والساجا
لو قارنت وسع الصالون بتاع الساجا! بالاسبرانزا اكيد اكيد اكيد الاسبرانزا تكسب بجداره
لو قارنت وسع الشنطة اكيد الاسبرانزا تكسب
لو قارنت البورستيرنج اكيد الاسبرانزا تكسب
ابسط حاجة .......عدة الصوت الاسبرانزا تكسب برضو
ولو قارنت وقارنت وقارنت الاسبرانزا هتكسب برضو
الاهم من كل دة الموتور
هتكلم الاول عن موتور الساجا!
السعة 1300 cc
العزم 120
القوة 94 حصان
ثانيا speranza
السعة 1600 cc
العزم 147
القوة 117 حصان
يعنى الخلاصة ان موتور الاسبرانزا يتفوق على الساجا بمراحل
هذة مقارنة بسيطة للتوضيح فقط .......... ومبروك عليك الساجا !!!!!!!!!!!!!!!!:00db9337 ef155724e76