المشاركة الأصلية كتبت بواسطة aymansour
اعتقد بالرغم من عدم خبرتي ان هناك اكثر من سبب
1- اننا شعب نصنف من الشعوب التى تتبع قاعدة القطيع (حسب بعض الابحاث ) يعنى لان الكوري هو الموجود بكثر فخليك ماشى فنفس الاتجاه اللي الناس ماشية فيه -زى الموبايل النوكيا -
2-لما بينزل موديل جديد في الكوري بكون اغلي بشكل مبالغ فيه وده بيحفظ قيمة الموديل القديم بشكل كبير
3-في الكوري بينزل بديل للموديل اقل منه في حاجات كتير واغلي في السعر -الفيرنا بديل الاكسنت وينتظر السوق يستوعب ده - وبعدين ينزل تعديل الموديل -النيو اكسنت - بسعر اعلي بكتير فيكون منطقى انك تدفع الفرق لانك بتقيس على اللي موجود في السوق بالفعل
4-في وقت من الاوقات كان الكوري ارخص بكتير وده الشيئ اللى سبب انتشارة لكن حاليا بعد ما جربوا اللعبة دي اكتر من مرة اصبح السعر متقارب واعتقد بعد فترة هيفقد الكوري الميزة دي لانه مش هيقدر يكرر اللعبة نفسة تاني وممكن يسيب الساحة للصيني
ده راي انا كونته بناء على مشاهدات خلال فترة قصيرة فارجو ان اكون وفقت
|
الرد على سؤال الاخ الفاضل يتلخص بمنتهى البساطه فى كلمتين ان الرينو توكيل يعتمد فى اسلوبه على الاختلاف والتميز يعنى من الاخر ناس بتخاطب شريحه معينه من الشعب وهى طبعا الصفوه كما يقال باللغه الدارجه لذا فهم يحتكرون قطع الغيار لحسابهم الخاص وبأسعار مبالغ فيها كذلك اسعار الصيانه نفسها غير قطع الغيار مبالغ فيها كذلك بالمقارنه بأى سياره اخرى فضلا عن وجود مشكله اكبر فى هذا المجال ان الرينو بصفه عامه مبيشتغلش فيها معظم الميكانيكيين من الاساس نظرا لتعقيدها وان وجد شخص يتعامل فيها فأسعار صيانته ايضا مبالغ فيها لانه يدرك تماما ان التوكيل فى حد ذاته اسعار الصيانه به مبالغ فيها والميجان بئه سياره ملهاش حل بمعنى ان كل شيىء فيها مبرمج على الكمبيوتر كثبيل المثال حبيت تغير بطاريه مثلا فيجب عليك الذهاب للتوكيل حتى يقوموا بربط البطاريه الجديده بنظام الكمبيوتر المستخدم بالسياره يعنى بالعربى عمليه تحكم مضمون فى عميل الميجان عشان ميعرفش يعمل حتى ابسط الامور خارج التوكيل وهذا الامر هو اليى خلى سعر السياره ينزل فى الارض كأعاده بيع بعد فتره من الاستخدام لان كل حاجه فيها متصله بالكمبيوتر ومينفعش انك تعمل حاجه بره التوكيل وبالمناسبه سعر البطاريه فى التوكيل خيالى مش عاوز ائول عشان الناس متتخضش يعنى من الآخر توكيل سيارات طالع فيها حبتين وعاوز يكون مميز ومتحكم ايضا وبيعرفك بطريقه غير مباشره ان احنا ميهمناش نتعامل مع الاغلبيه العامه من الناس احنا بس عاوزين الصفوه فقط لاننا توكيل مميز ومتميزين عن غيرنا من التوكيلات كسيارات محترمه ومميزه تجبرك على التعامل معها بأحترام لانها مميزه وانت كمان مميز كعميل رينو بذمتك وبزمه اى شخص بيقرأ موضوعى هذا بعد كل هذا اليس من حق المصريين بصفه عامه البعد كل البعد عن سياره رينو برغم كل امتيازات بعض الموديلات الحديثه منها والا انا غلطان ناس طالعين فيها اصلا ومبيقدروش ان فيه فئه كبيره وقطاع عريض من الشعب المصرى ذات دخول متوسطه وهما بطريقتهم هذه بيفهموك بشكل غير مباشر ان احنا يا جماعه كتوكيل رينو مبنبصش غير للناس المحترمه اوى بس لاننا مميزين وسيارتنا مش اى حد يركبها !!!!!ارجوا من اهل الخبره وعملاء رينو ان يفتونى فتوى عكس ما اقول للطعن فى صحه اقوالى هذه مع ملاحظه اننى اتكلم على وجه الخصوص بخصوص سيارات رينو الموديلات الحديثه تحديدا وربنا يستر بئه فى اللوجان لو ظلت سياسه توكيل رينو هذه تطبق ايضا على اللوجان من حيث قطع الغيار والصيانه المبالغ فيها دى كمان لانى حاسس ان توكيل رينو لولا انه سوف يحقق مكاسب خياليه من حصيله بيع اللوجان فى مصر لما فكر مطلقا التعامل مع فئه معينه من الشعب اليى هما وسط بين الاغنياء والفقراء وفى نفس الوئت نظرا للاتفاقيه بين مصر والمغرب والكلام اليى انتوا فاهمينه ده ايها الاخوه الاعزاء اتمنى ان توكيل رينو يتنازل عن تكبره هذا وينظر للناس جميعا على اعتبار لا فرق بين عربى والا اعجمى الا بالتقوى
<input id="gwProxy" type="hidden"><!--Session data--><input onclick="jsCall();" id="jsProxy" type="hidden"><input id="gwProxy" type="hidden"><!--Session data--><input onclick="jsCall();" id="jsProxy" type="hidden"><input id="gwProxy" type="hidden"><!--Session data--><input onclick="jsCall();" id="jsProxy" type="hidden"><input id="gwProxy" type="hidden"><!--Session data--><input onclick="jsCall();" id="jsProxy" type="hidden"><input id="gwProxy" type="hidden"><!--Session data--><input onclick="jsCall();" id="jsProxy" type="hidden">