المشاركة الأصلية كتبت بواسطة ibrahim11
علي فكرة جميع العروض المقدمة غير صحيحة بالمره
عشان انا كنت في صيانة الـ 5000 كم يوم 23/11/2009 والاسعار كانت 139 جنيه (فلتر زيت + غيار زيت 5000 كم ) + 150 جنيه قيمة الصيانه
الاجمالي = 289 جنية للسيارة نيو النترا 2009
والغسيل مره لا توجد مياه والاخري الكمبروسر عطلان نهائي وطلبت ان عامل يمسح السياره ولكن لا يوجد عامل
كمان انا تابعت الفني اثناء عمل الصيانه وحسيت انه مش عارف غير انه يغير الزيت والفلتر ويلقلش علي الفرامل وربط عدد اربع مسامير في العفشه وتنظيف فلتر الهواء والتكييف وده كله في 15 دقيقه فقط
ياريت لما يكون في عرض يكون حقيقه عشان المره القادمه
مهندس / ابراهيم بخيت راغب
|
اهلا بيك يا استاذ ابراهيم وشكرا على مشاركتك
اولاً انا طبعا مش بكذب حضرتك بس من حقنا جميعاً نتأكد من مصداقية ما تدعية علشان لو حضرتك ليك حق تاخدة ولان دورنا التفاعل مع مشاكل الاعضاء لتحقيق مصالحهم
لذا ارجو من حضرتك توضيح النقاط التالية
1- هل حضرتك مشترك فى العرض بتاعنا
2- ارسال صورة كارنية العضوية + صورة جوب او فاتورة الصيانة
علماَ بان المفروض ان تقوم بالاتصال بنا حال وقوع اى مشكلة فى تقديم الخدمة على الهاتف الموجود بكارنية العضوية سواء كانت مشكلة فى الصيانة او الامور الفنية اومشكلة فى تطبيق نسبة الخصم لكى نتدخل فى نفس الوقت لصالح العميل
لكن على اى حال ابعتلنا حضرتك التفاصيل المشار اليه عالية لنثبت لك ان العروض حقيقية والمتابعة صادقة