الله عليكوا يا شباب
مش عارف اقولكوا انا مبسوط قد ايه ان موضوعى عجبكوا وشاركتوا فيه ومبسوط اكتر ان محدش زعل من حد بسبب راية فى اى عربية
اسمحولى اقولكوا نتيجة اراء الناس حتى الان
اولا العربيات المكروهه
شاهين - لادا (فى الصدارة)
السيارات الصينية عامة وفى الصدارة بعض موديلات سيبرانزا وجيلى
هيونداى عامة (صوت واحد) وفيرنا تحديدا (صوت واحد)
العربيات المحبوبة للاغلبية
- متسوبيشى فى الصدارة (بصوتين لجالانت ولانسر ايفو )
- اوبل فيكترا 95 - 2002
- فولكس فاجن بولو - جولف
- مرسيدس
- سيتروين سى 5 تحفة فعلا واشكر استاذ ايمن انو عرفنى عليها
- BMW عامة اختيار اكسبرت الاول والاخير بس مقالناش مبيحبش ايه تقريبا خايف
- بيجو 407 وبشكر بوب الجامد على انة عرفنى على التحفة ديه برضو لانى اول مرة اشوف عربية بالجمال والروعة ديه من بيجو
Scoda فابيا وفيليشا
ومن جميع الاراء حتى الان يبدو ان
الاوربيون احتكروا صناعة السيارات الجميلة وانحصرت فيما يبدو على مجموعتى PSA + VW (حتى الان)
ميتسوبيشى الاكثر جمالاً وتميزا فى الصناعات الاسيوية (حتى الان)
بينما تحتفظ الشاهين والادا برصيد من كراهية الناس توارثتة الاجيال لاكن يبدوا ان السيارات الصينية تستعد لملاقاه نفس المصير من الكراهية