رد: كيف توقف سيارتك إذا تعطلت المكابح
هواالموضوع أولا رائع ومن المواضيع الأكثرروعة الي قريتها هنا على مصر موتورز.
إ،تا عارف لو بيعملوا جايزة مثلا للموضوع المميز أو الأفكار الرائعة هقولك إني أرشح موضوعك وبشدة.
بالنسبة بقى للرأي القائل إني التصرف الجيد ينتج عن تمالك الأعصاب أنا أختلف معاك بالمرة.
التصرف دا بينتج عن خبرات وممارسات سابقة وبسرعة بديهة تشبة الفطرة.
أكتر حاجة بيخاف عليها كل إنسان هيا حياته مش العربية ولا الخسائر المادية ولما بتحس إني فيه حاجة بتهدد حياتك لا يمكن أبدا إنك تقنعني إنك هتمسك أعصابك وهتفكر وهتشوف أي الخيارات أوضح أو أسلم أو أقلها خسائر مادية على سيارتك مثلا,
الموضوع زي ماقولتلكم هوا خبرات مكتسبة بالتجربه ياعني إنتا قبل كدة كنت هتتعرض لحادثة مثلا ولما دوست فرامل ما أسعفتكش بالقدر الكافي حاولت تناور وإنتا دايس فرامل والموضوع نجح معاك دي أو حاجة هتعملها أول ماتتعرض لأول موقف تاني خطر على الطريق ودا من غير تفكير زي ردة الفعل كدة بالظبط غصب عنك حاجة خلتك تعمل كدة.
لو في مرة جيت تقف بسبب عائق في الطريق ومالحقتش ولاقيت المسافة مش كافية وشديت الهاند بريك مع فرامل الرجل وقومت مدي غيار عكسي غيارين مثلا مع بعض وقامت العربية مكلبشة منك لو جيت في لحظة لاحقة وبتدوس فرامل ولاقيتها قاطعة لا إراديا هتلاقي نفسك بتستخدم الوسيلتين الآخرتين وبتعمل نفس الي عملته قبل كدة وكلك أمل إنك توصل لنفس النتيجة.
عموما الأسلم لينا كلنا إننا من وقت للتاني ممكن نجرب حاجة أو حاجتين أو طريقة أو إتنين لتفادي عوائق وهمية مثلا كرتونة أو قمع أو وقوف إضطراري أو غيره بحيث إنك تدرب رد فعلك إنتا عايزه يعمل إيه في اللحظة الحرجة وأفتكر دي طريقة فعالة.
|