رد: ساعدونى لانى بجد زهقت
يا أخى حضرتك الظاهر فى أمور غائبة عن حضرتك..
أولا إستيراد السيارة بنفسك هو أمر صعب قليلا ويجب ان يكون لك شخص فى فرنسا حتى يعاين السيارة جيدة ويتأكد إنها بحالة فنية جيدة لانك لما تشترى مش هتعرف تخلص منها قبل 5 سنوات.
بالنسبة لانواع السيارات الفرنسية فهى كثيرة والأكثر شهرة هو بيجو طبعا وهتلاقى المانى وخلافة ولكن كل هذا لا يهم المهم انه كلما ارتفع سعر السيارة الجمرك هيرتفع. كما اوضحت لك من قبل كل سيارة بيكون لها سعر مصنع كسيارة جديدة. فرضا سيارة 1600 سى سى ثمنها جديدة 100 الف جنية بيخصموا منه 20 الف إعفاء يبقى المبلغ اللى هيشتغلوا عليها هو 80 الف كمان بيكون فى خصم إستهلاك لانها سيارة مستعملة بحد اقصى 50% للموديلا الاقدم من 2003 تصبح قيمة السيارة 40 الف جنية هذا المبلع بيحسب عليه 40% جمرك و 10% ضريبة مبيعات و 3% رسم تنمية تصبح قيمة المبلغ المدفوع للحكومة 21 الف جنية تقريبا
طبعا وجود بعض الكمليات والفول أبشن بتغلى الجمرك شوية وأكيد هتدفع مصاريف ارضية وشحن ومصاريف تخلص جمركى ومخلص جمركى.
أما عن سؤالك عن إسترداد قيمة ما دفعته لفك الحظر فهذه قيمة لا ترد فهى حق للدولة طالما فكت الحظر عن السيارة قبل مرور 5 سنوات من تاريخ شراء سيارة المعاقين. اعتقد حضرتك بتقصد إسترداد قيمة ضريبة المبيعات اللى بيترفع لها قضية وبتكون فى حدود 4500 جنية أو اكثر قليلا.. هل هذا المقصود؟؟؟
|