[amir elgamal]

المشاركة الأصلية كتبت بواسطة Mai.Mohamed.Farid انا اقصد اني احسنلي امشي وانا مطمنة بدل المجازفة انا هلخص الحاجات اللي فهمتها من حضارتكم: 1- بلاش اغير عمود الكامة بس ويستحسن اخلى الميكانيكي يشوف الصبابات كمان لانه ممكن يكون سبب كسر الكامة من الاول 2- بسبب ان الكامة اتكسرت ف انا لازمافك الموتور واتأكد انه الجزء الاسفل مظبوط او at least الميكانيكي ممكن يبص عليه من بره ومن غير ما يفك الموتور 3- مع اني مش بفضل الحل ده (لاني مش عايزة العملية تفتح معايا) بس في أخوة بينصحوني انس اغير وش السلندر بالكامل و اعمل عمرة للشنابر (مع احترامي بس ممكن حد يشرحلي ايه السبب ف كده) 4- انا قررت انه ان شاء الله لما العربية تتصلح وتدور اني هعمل صيانة كاملة للعربية وهغير السيور والفلاتر كلها مرة واحدة (انا مكنتش اعرف اني لازم اغير الحاجات دي قبل كده) 5- في ناس نصحتني اني اكمل مع الميكانيكي اللي جنب البيت بس مش متخصص ف الاوبل وفي ناس قالت العكس وانه لازم حد متخصص ف الاوبل ..... انا بصراحة لسة محتارة بس انا ميالة اكتر للميكانيكي المتخصص حتى لو بعيد شوية و غالي حبتين و هضطر اني اقطرهاله كمان وبعد الحاجات اللي انا فهمتها من حضراتكم دي ف معلش انا طلباتي كترت و (ومشاركاتي بقت طويلة زيادة كمان معلش) ف معلش ليا طلبات كده: 1- بالنسبة لتغيير عامود الكامة كنت عايزة اسأل لو كان حد حصله كده قبل كده او سمع من حد مر بالتجربة دي ، ايه هي الاسباب اللي ادت لكده (غير الالتواء اللي ممكن يكون اتعرضله بسبب الصبابات اللي ف البساتن اللي مكنتش مخلياه ينزل)؟ وعمل ايه بالظبط وغير ايه؟ مش لازم تكون اوبل فكترا انا بتكلم عامة 2- كنت عايزة اسأل عن احسن مكان متخصص ف الاوبل علشان اعمل للعربية الصيانات بتاعتها (يا ريت لو قريبة من المعادي او حتى ف مدينة نصر) ونمرهم وعناوينهم بليز لو سمحتم 3- انا بصراحة مع اني اتعورت من الموضوع ده جامد بس بجد انا استفدت منه كتيييييير قوي، كفاية بس اراء حضراتكم اللي خبراتها لا تقدر بثمن.... انا طلبي ممكن يكون غريب شوية و خارج نطاق الموضوع نفسه ... بس انا عايزة اعرف ازاي ممكن اتعلم اكتر ف ميكانيكا السيارات ... يعني اروح حتة معينة ولا اعمل ايه؟ وفي النهاية انا اسفة اني طولت عليكم ف اسألتي وربنا يجعله في ميزانكم ان شاء الله. شكرا

الاعضاء ما شاء الله عليهم جاوبوا على حضرتك بشكل صحيح جدا
انا هرد على حضرتك فى حكايه تعليم ميكانيكا السيارات
انا من حوالى سنه ماكنتش اعرف اى حاجه عن السيارات لدرجه ان عمى كان مرجع العربيه من الصيانه وسالته على البوجيه قولتله ايه ده قالى ده الى مسؤول عن الاحتراق
ومن ساعتها قررت انى اعرف كل حاجه عن السيارات وبدات ابحث عن طريقه عمل الموتور وجالى اول نتيجه على جوجل موقع مصر موتورز حبيب قلبى
وبدات اتفاعل مع الاعضاء لحد ما الحمد لله فهمت معظم ميكانيكا السيارات طبعا ماقدرش اقول كل حاجه لان فوق كل ذى علم عليم
وعلمت جروب car's engine على الفيس بوك ونجح بشكل كبير الحمد لله وبدأت الناس هى الى تسالنى وبرد عليهم وفتحت صفحه كمان
بس لسه مانتشرتش اوى
ولو فى اجابه مش عارفها بقولهم لحظه اسالكم على موقع كبير
واجى للموقع واسال حبايبى هنا ويردوا عليا:da nceW7:

وعلفكره الحكايه ده اديتنى خبره اكثر الحمد لله فى سنه وشهرين بالظبط
وحاليا الحمد لله انا الى بشرح للناس تركيب المواتير بجميع انواعها ومجرد قرائتى لاسئله الاعضاء ورد الخبراء عليهم بيفيدنى ده حتى موضوع حضرتك افادنى كتير جدا
ده قصتى مع رجاله مصر موتورز الاحباء
تحياتى