سمحا اذا باع سمحا اذا اشترى ... صدق رسول الله عليه الصلاة والسلام
حينما قررت البحث عن سيارة لكي اشتريها اكتشفت ان معظم المسلمون لا يعرفون هذا الحديث فالبائع يريد ان يحصل على اعلى سعر حتى وان كان اكثر من القيمة الحقيقية للسيارة ( يعني منتهى الجشع )
تخيلوا ان في واحدة كانت عارضة 127 موديل 83 وطالبة فيها 23000 غير قابل للتفاوض ؟؟؟!!! والله العظيم انا جالي ذهول ... لان قبلها بيومين واحد صاحبي اشترى فليشيا موديل 95 بحالة ممتازة بـ 25000 جنية .
وفي واحد تاني طالب في 128 موديل 87 حالة جيدة 25000 جنية
بجد ناس بتبالغ اوووي ومفكرين انهم اذكي من الاخرين بجد نفسي اوووي اللي يبيع عربية يعرف انه مهما كان هو محافظ عليها انه استفاد منها واستهلكها فيطلب فيها المعقول ولا يبالغ لان المبالغات دي بتؤدي لركود وارتفاع اسعار ملوش اي لزمة والناس مش ناقصة خانقة
عموما انا عارف ان الموضوع دا ربما ميكونش مهم لناس كتير بس ع الاقل مهم لناس تانية نفسها في عربية محترمة بس اللي عارضين بيبالغوا جدا في الاسعار وبتغاظ جدا من جملة "لاعلى سعر" كانه بيبع حاجة ملهاش نظير يا جماعة العربيات دي شوية حديد ممكن لا قدر الله في خبطة واحدة تتحول لخردة بجد ياريت نبيع ونشتري بما يرضى الله
وليس معنى كلامي ان نبخث حق البائع ما عاذ الله فربنا سبحانه وتعالى قال " ولا تبخثوا الناس اشيائهم " صدق الله العظيم وكما قال النبي صلى الله عليه وسلم خير الامور الوسط
فهذه دعوى اطلقها لكل انسان محترم ان لا نغالي في اسعار البيع والشراء حتى يتيسر للجميع ما فيه خير
|