أجراءات تجديد رخصه القياده الخاصه
السلام عليكم
معلش يا جماعه انا كنت عايز اعرف أيه هيا أجراءات تجديد رخصه القياده الخاصه
بالرغم انى لسه بدرى على ما اجددها انا لسه رخصتى تنتهى فى 2018
بس انا احب اكون عارف ايه هيا الاجراءات ؟و هل بتبقى فيها رخامه و روتين حكومى زى اى مصلحه حكوميه ؟ ولا بتخلص فى ساعتها؟
وتانى حاجه اللى هيا بقى شغلانى بجد
ان انا للاسف و من سوء حظى و انا بعمل الرخصه فى واحده ست بتاخد الملف كده شديت معاها شويه راحت مدبسانى فى قوميسيون طبى بالرغم انى رخصه خاصه
و روحت القوميسيون و قعدت وسط سواقين ميكروباصات و تكاسى و كان يوم ما يعلم بيه الا ربنا و فى الاخر طلعت صاغ سليم
سليم باطنه و نظر
بس اعمل ايه اهو بسبب الوليه دى منها لله بقى مكتوب فى الرخصه عندى "لائق قرار قوميسيون طبى" والجمله دى منرفزانى جدا
المهم هل لما اروح اجدد الرخصه برده اروح اكشف قوميسيون طبى تااانى ولا لا؟
ارجو الافاده
التعديل الأخير تم بواسطة abo wafya ; 11-04-2010 الساعة 09:03 PM
|