[samirsaid1]

المشاركة الأصلية كتبت بواسطة حسام البورسعيدى اولا اسف جدا جدا يا غالى على التاخير .. والله ما اخدت بالى غير دلوقتى ... انا قصدى على الخرطوم اللى راجع من الموتور للريداتير (الخرطوم اللى فوق اللى جنب غطا الريداتير) .. بس بالنسبة لعربيتك .. لو مفيش عندك صدأ مفيش داعى من الموضوع ده .. كل اللى تعمله انك تفك الطبه بتاعت الريداتير من تحت (عاملة زى الصامولة كده وبتتفتح باليد عادى مش محتاجة مفك بس ممكن تكون جامد شويه علشان اول مره تتفتح) بعد ما تفتح الطبه افتح غطا الريداتير هتلاحظ ان الميه نزلت من الريداتير .. استنى لغاية ما تنزل كلها.. وبعدين دور العربية لمده 10 ثوانى فقط وبطلها تانى .. وده علشان تنزل الميه اللى كانت فى مجارى التبريد جوه الموتور ... ركب الطبه تانى واقفلها كويس ودور العربية و حط الميه الجديدة (بالراحة علشان تسمح للهوا بالخروج من الريداتير) وبعد ما تملى الريداتير اقفله وابدأ زود القربة لغاية MAX .. وبكده انت تمام ابقى بس شيك على الميه بعد ما تعمل مشوار كده بعد الموضوع ده .. احتمال تلاقيها ناقصة بسيط بسبب بسبب وجود هوا .. على فكره الموضوع سهل جدا .. بس انا قلت اشرحهولك بالتفصيل الممل علشان تبقى مطمئن .. واى خدمة يا غالى .....

ياريس انا اللى اسف انى اتأخرت انى أشكرك على معلوماتك الجميلة

قلت للميكانيكى فية طبة من تحت تقريبا كشف بسماعة الدكتور قالى مافيش المهم انه فك الخرطوم اللى فوق وفضى المية ودورت شوية وبطلت وبعدين زود المية وهى دائرة

كدة صح

بس المية نزلت طبعا جوة الحوض جنب المروحة وبقت ريحتها وحشة مع السخونية بتاعة الموتور


بس سؤال هى درجة حرارة العربية بتبقى كام
وشكرا يا أستاذ حسام