طبعا كلنا فاكرين
الهوندا سي ار اكس
Honda CRX
واللي كانت مشهوره جدا في مصر في اواخر التمانينات و بدايه التسعينات
وتعديلاتها و صورها لحد النهارده بتجذب الشباب
والعواجيز شويه يفتكروها من منتصف التمانينات اول ما ظهرت
وكانت طفره في وقتها و بهرت اوروبا لدرجه ان الصحفيين الاوروبيين استغربوا ليه مفكروش في عربيه زيها
و حصدت جوايز من مجلات كتيره جدا زي كار اند درايفر و موتور ترند و غيرهم كتير
هوندا سي ار اكس 92
هوندا سي ار اكس 85
المهم ...
في اخبار عن عوده ال سي ار اكس مع نهايه السنه الجايه 2010
وانها حتظهر بشكلها التجاري الكامل في معرض طوكيو القادم في شهر اكتوبر
واحتمال كبير يكون اسمها CR-ZX
وده لأنها حتكون مبنيه على النسخه الاختباريه Honda CR-Z
واللي سبق تقديمها في معرض طوكيو 2007
ومتوقع يكون شكل الانتاج التجاري قريب جدا من الكونسبت .. فيما عدا اختلافات بسيطه في التفاصيل
والشكل ده هو الاحدث و الاقرب للمتوقع فعليا ptmnlo123per154
معلش بقى ...
مقدرتش اروح طوكيو اصورها ...
بس اوعدكم اول ما تنزل مصر حخلي صديقي العزيز احمد انور يجيب صورها حصريا لمصر موتورز ..
علشان هو بيزعل من صور النت و بيفضل عليها صور الموبايل ...
يا اما بقى اطلع بعثه طوكيو اصورهالكم و اجي ptmnlo123per1127
بس ايه رأيكم ... جامده ..مش كده
ptmnlo123per122