شكراً تيفا - ابو اليمنى على الحوار الراقى والروح الجميلة ومشاركة التجارب المفيدة وشكراً ايضاً لشادى وتاكدو ان الهدف من المنتدى مشاركة الخبرات والتجارب وده لا يعتبر اعلان لان احنا مفترضين فى اعضاء المنتدى الصدق التام مالم يثبت العكس لا سمح الله
وكما يسمح للاعضاء بنشر تجاربهم السيئة مع مراكزالخدمة او الورش او حتى التوكيلات يجب علينا نشر النمازج المشرفة ايضاً
لكن يفضل دائماً ان تكون المعلومة كاملة سواء فى حالة التجربة السيئة او المفيدة
بمعنى ان لو حد حصلتلة مشكلة مع مركز او توكيل يحاول يدينا كل التفاصيل مش يدخل يشتم فى المركز وبس
ولو واحد عاجبة مركز او توكيل يدينا تفاصيل برضو مش يشكر وبس
امثلة عملية
بيحصل فعلاً ان اعضاء من الموقع بيزورو اماكن بيلاقو فيها خدمة ممتازة واسعار مناسبة فبيعملنا تقرير بالمكان ده وتفاصيل خدماتة واسعاره ومكانة واى شىء يمكن ان يوضح الصورة بشكل افضل للاعضاء
النتيجة بتبقى حاجة من اتنين
يا اما بعض الاعضاء يجربو الخدمة او المكان ده ولو لقو غير المتوقع بينشرو برضو تجاربهم السيئة عن المكان
يا ما بيلاقو خدمة متميزة فعلاً وفى الحالة ديه الادارة بتعرض على المكان ده بشكل رسمى تقديم تخفيضات لاعضاء الموقع فى مقابل الاعلان عن خدماتة
وبالتالى المحصلة هتكون مجموعة من المراكز والخدمات المتميزة فعلاً واللى بتعامل اعضاء منتدانا بشكل مميز ايضاً وبتقدم خصومات حقيقية فى الاسعار وكل ده بفضل تجارب الاعضاء
علشان كده تجارب الاعضاء هامة جداً سواء سلباً او ايجاباً لانها تقييم حقيقى للسوق ونصيحة واجبة بين افراد مجتمع السيارات المصرى (مصر موتورز)
اشكركم واعتذر عن الاطالة لكن وجب التوضيح