[محمد بدوى]

السلام عليكم ورحمه الله وبركاته
بص ياجميل انا كنت فى نفس حيرتك وخاصه بعد ما روحت للتوكيل وقالى الاستلام بعد اسبوعين وعلى الرغم من ان المعارض بتسلمك وانت واقف الاانى اشتريت من التوكيل واستنيت وده بعد ما سئلت كل الى اعرفهم تقريبا والاسباب :
1 - العربية لما بتكون فى معرض ممكن الناس بتخرجها فى مشاوير وتفصل سلك العداد علشان ميبانش
2 - ليا اصحاب استلموا عربياتهم من غير الواصلة الUSB وتقالهم ان الاستلام عند الصيانة وطبعا ده كلام فارغ
3 - العربيات لما بتيجى بيتعمل عليها سرفيس وبعدين تستلمها .مثلا انا لما استلمت عربيتى لقيت ان الافراج الجمركى بتعها كان 27/9 وانا استلمتها فى 11/10 اما فى المعارض فانت ممكن تستلمها بعد ماجت بعدة اشهر وبالتالى هيا مركونه عندهم بعنى ( ده يفرك بيها وده يحررق عليها )
بصراحة انا ريحت نفسى وجبت من الوكيل الى فى ش.وزارة الزراعة امام BTM