المشاركة الأصلية كتبت بواسطة عمرو محمد زايد
شكرا على ردك بس عايز منك نصيحة
1_ التخبيط بظهر بعد كام كيلو
2_ وهل فعلا الابواب لازم ترزعها عشان تقفل
3_وهل لو اشتريت التيجو و خبطط منى هل ممكن تعملهالى
واخيرا هل اتوكل على الله واشتريها وانسى موضوع انها صينى
بارك الله فيك
|
الشكر لله أستاذ عمرو
رداّ على:-
1- التخبيط ده جزم المساعد عبارة عن صوت مكتوم
لما تحمل العربية جامد
يعنى 5 أنفار والشنطة مليانة للاّخر
وتاخد مطب يعنى السوسته تتقفل على الاّخر
وده حله سهل جداّ
وممكن يتعمل على نفس المساعد بتاع العربية
إنما أنا غيرت المساعد خالص لأن معظم إستخدامى
بكون راكب العربية لوحدى
فتبقى ناشفة من الخلف
2- فعلاّ الأبواب معايا لازم أرزعها
بس إستخدامى بيكون فى مناطق صحراء وتراب
إنما لما بغسل المفصلات بمياه
وأرش عليها
WD40
بتقفل بمنتهى السلاسة
3- تحت أمرك
ماله الصينى ما شغال وواخد أكتر مبيعات
ولو لا قدر الله قابلتك مشاكل
معاك الضمان وروح التوكيل