[Fayrouz Hamdy]

سلام عليكم جميعا
انا معايا دايو ماتيز موديل 99 المشكله بقي اني سنة اولي سواقه وطبعا معلوماتي عن ميكانيكا السيارات تكاد تكون منعدمة .. المهم العربيه من فترة كانت بتقطع مني وانا ماشيه ولما بدوس بنزين فيه صوت غريب و العربيه بترعش ومبترضاش تمشي غير ع الغيار الاول ولو مشيت ع التاني بتقف المهم وديتها لميكانيكي وقاللي انه ده عيب فيلتر البنزين وفيه شوائب وعايز يتغير وفعلا عمل كده بس معداش شهرين وعملت معايا كده تاني انهرده وكمان علامة ال check بتظهر ولما بدوس بنزين برضو فيه نفس الرعشة .. عايزة اعرف ده من ايه من فيلتر البنزين فعلا ولا فيه حاجه تاني ؟ وصحيح حاجه كمان من كام يوم كنت بفول بنزين عامل البنزينه قاللي ان العربيه بتاخد البنزين ببطء بس قاللي كلمه كده مفهمتهاش معناها يعني انها بتشرق ولا ايه مفهمتوش المهم فعلا كان مؤشر البنزين بيتحرك ببطء والعربيه قعدت فتره علي ما اتفولت بنزين .. ياريت حد يفيدني و لو حد يعرف ميكانيكي كويس بيفهم في الدايو ماتيز ويكون في المهندسين او تحديدا شارع السودان .. ميرسي جدا وسوري اني طولت عليكم