المشاركة الأصلية كتبت بواسطة sam_pon
والله يا باشمهندس
موضوعك في الجون وأكثر من رائع
أنا بقى عندي مشكله مجنناني بس متعايش معاها :
معايا اينفوي 2003 احيانا تكون نقلاتها متأخره والتجميع بطيء جدا ، واحيانا بتكون ناعمه نعومه مش طبيعيه
قلت أغير زيت جيربوكس وفلتر يمكن يكون اللي قبلي مش مغيرهم
الزيت نزل بسم الله ما شاء الله جديد ( ده على كلام اللي غير الزيت ) وأنا شفت بعيني ، وبعد التغيير لم يتغير شيء من الأداء
احيانا بأحس بخبطه بسيطه في الجيربوكس لما تكون بتعمل كيك داون وبتاخد النقله الأصغر عشان تعدي عربيه أو تفادي حاجه ، واحيانا لا تشعر بأي شيء في الكيك داون إلا بقوة السحب ويكون ناعم وزي الفل
عزم العربيه نفسه بيتغير بمزاجه ، يعني اوقات باحس اني راكب امريكي فعلا ، واوقات تانيه كتير بأحس اني راكب فيات
معلشي تعبتك معايا ، بس هنا في قطر الميكانيكيه نصابيين وياريتهم بيفهموا ، انما كل واحد فاشل في بلده بيجي هنا ويفتح ورشه ويكتب عليها ميكانيكي وربك بيرزق
جزاك الله خير يا باشمهندس رومي ( والله مش عارف ايه الأسم الأول قبل المنصور فسامحني لو كنت غلطت في الأسم )
اخوك
سامر
|
بالنسبة لمشكلتك في موقع متخصص في الانفوي والبليزر اكيد هتلاقي حل لمشكلتك فيه ..... انا معايا بليزر بصراحة استفدت من الموقع دا كتير .......... واسف على تدخلي ( السؤال مكانش ليا هههههههه) الرابط )
http://www.mekshat.com/vb/showthread.php?t=432573