المشاركة الأصلية كتبت بواسطة خالدخليفة

وانا بقول هو عايز ياخد الهارد ليه اتارى سعادتك اللى مسلطه وكل م اكلمه يهددنى ويحلف ان الكومبيوتر مش هيشتغل وانه لازم ياخد الهارد
ويهددنى ويقول ده انا آى تى ( it ) قد الدنيا وكاتبها فى توقيعى وانا مش فاهم آى تى يعنى ايه وخفت لتكون رتبة فى المخابرات العامة وهو مزقوق عليا وكنت ههاوده لولا انى محتاج النت الليلة دى
وراح مهددنى تانى وقال مش مصدقنى اسأل وائل ابو نورا مؤسس المنتدى
اشمعنى ياعم
زغر .....لى بعين ونص وبص لى بصة خوفتنى 4 ساعات متواصلة
وقال / ده قائد عام البرمجة والشبكات فى مصر وممكن يزنقك فى شبكة تتلخبط متعرفش تخرج منها
وبينى وبينكم
كنت هخاف ولقيت ركبى ابتدت تخبط على كل ابواب الجيران
ولكن لانى مشاغب بطبعى قلت ياواد العمر واحد والرب واحد ونزلت الويندوز واشتغلت
ولاطلع لى وائل من الشاشة ولا احمد كروزير يعرف عنى حاجة
ومعلش حبايبنا اياهم بعتو لى فيروس جامد معذبنى بقى له يومين
ولما فكرت ليه وايه اخر حاجة عملتها لقيت انه كتاب عن الاخوان المسلمين وعبد الناصر من موقع الاخوان
وبالمخ الصعيدى اللى انا جايبه تقفيل بلدنا
قلت ياواد امسح الكتاب ونزل الويندوز وابقى نزل الكتاب مرة تانية ههههههههههههه
عن اذنكم انزل الكتاب واجى هههههههههههههههه