المشاركة الأصلية كتبت بواسطة spiky_ash
يا اهل الخير دي اول مشاركة ليا واتمنى تفيدوني
انا لسه جايب عربية شيفرولية لانوس 2014 واتخبطت تحت البيت , الخبطة جات في جنب الشنطة الشمال دخلت الصاج لجوة وخدشت الاكصدام والفانوس وشة اتكسر , وانا مأمن تأمين شامل بدون تحمل في مصر للتأمين ياريت لو حد يقدر يفيدني في الاجراءات وايه اللي المفروض اعمله , شكرا مقدما
|
السلام عليكم و الف سلامة عليك
بص يا استاذى روح اعمل مقايسه الاول شفاوية يعنى تعرف هاتتكلف كام لو التكلفه تعدت 5000 جنية روح اعمل محضر الاول لو التكلفة اقل من 5000 الاف مش محتاج محضر
التوكيل هاتتكلف 10% من قيمة الفاتورة الى هاتطلع + اهلاك قطع غيار الى ممكن تتغير فى السياره
و تعمل اخطار حادث فى مقر الشركه لو عملت محضر تثبت رقمة فى الاخطار
الاوراق المطلوبة لاجراء المعاينه
1- مقايسة الاصلاح
2- صورة من رخصة القيادة و تكون سارية
3-صورة من رخصة العربية
4- صورة رسمية من المحضر ان وجد يمكن تقديمة فيما بعد
ملحوظة اعرف ايه الى اعتمدة خبير التامين فى الاصلاح على شان لا تفاجاء باى تكلفه و ماتبقاش عارف سببها
استكمل الاوراق على شان ما تعطلش نفسك
تحياتى و قدر الله و ما شاء فعل