المشاركة الأصلية كتبت بواسطة TOOLA
أ/ أحمد مش عارف أقولك ايه,ما شاء الله على المجهود, ربنا يكرمك, و بعد ما قريت الملف متهيألى أن أنسب فردة هى 15 205/60 لأنى غالبا ناوى أحتفظ بنفس مقاس الجنط, بالنسبة لموضوع العفشة أدينى عمال أبحث عن حد متخصص, و أدى د/عشماوى أفدنى الحمد لله.
طيب نيجى بأه لسفرية الاسكندرية, المكنة عموما صوتها الى حد كبير مرتاح و متهيألى حالتها جيدة فعلن, على الطريق و بردو أول ما بدأت ازود الغربلة اشتغلت فى ايدى بس جيت فى و الطريق هادى و جبت اخر العربية كان 180 كم و مازودتش الا يمكن فى بعض المنازل وصلت 185 (العربية أتوماتيك) و على النيت مفروض ان سرعتها القصوى 192 كم (و تقريبا ده المانيوال), لكن أنا متعودتش أستمع لكلام النيت لسبب بسيط ان السبكترا مكتوب ان اخرها 187 و انا كسرت ال 200 أكثر من مرة و كان 190 و 195 بيجوا مرتاح على أى طريق.
طيب بالنسبة للغرز و الملفات يعنى بتقول على 160 و لكن لم تكن النفس مطكمئنة مشجعتنيش أجرب على أكثر من كده, و أنا راجع بأه و فى أخر الطريق لقيت الالنترا الجديد و أوكتافيا A4 بيشدوا مع بعض, جريت وراهم و دخلت انا و الاوكتافيا الملف على 170 و الالنترا خاف, و بعد ما جبت الاوكتافيا _و العربيت مشيت على 190 لأول مرة ياما كنت فى منزل ياما هى سخنت على الشد ptmnlo123per145 _(أنا عموما ماكونتش باخود غرز), أتارى الأوكتافيا كان بيلاعبنى راح طار من جنبى يمكن كسر ال 200 مستريح (طبعا أنا اتحسرت) لاء والزاد و غطى انه على السرعة ديه كال حتة غرزة عنيفة (غرزة ضيقة و كسر فيها جامد مش بسلاسة) شمال بين ملاكة و عربية نقل كبيرة (طبعا انا حاليا مستحيل أخدها بالحالة ديه و ده يمكن حصل قدامى عشان أنا أحس فعلن ان فيه حاجة مش مضبوطة), المهم القلل حسرتى شوية لما جبته على الكارته و عرفت منو انو 2000 سى سى ما شاء الله (كان عيل صغير بتاع 18 سنة).
عموما هنبأكم بالمستجدات ان شاء الله ادعولى بأه (أفضى الأول بس)
|
صديقى العزيز
واضح انك شخص محترم وتلقائى وانا تابعت كل البوستات بتاعت الموضوع بأهتمام والبوست اللى خنقنى هو دة اللى بعلق علية... بص يا سيدى ليك منى نصيحة.... انا زيك رب اسرة وبسافر ومعايا ابيزا المانى برضة ولكن الفرق اللى بينى وبينك انك واضح انك لسة عايش ليلة الحرق بالعربية وتقفيل العداد والجرى بمعنى ادق,,,, بص يا صاحبي الألمانى عربية وقورة وانا اعتبرها كينج الطرق المصرية مع الأحترام لللأخرين ولكن مع الألمانى وعيلة الفلوكس والأودى والسيات .. نقطة نظام
انا عاوزك تعيش العربية وتحس بيها وبطعم سواقتها وثباتها وتحس بالأمان معاها وما تقرص عليها مع اى حد... لأن الحد دة بيستفزك لأنة عارف انك راكب البريمو.. ما تسخنش وغيظ اللى بيستفزك بدلالك بعربيتك ... ويا اخى بلاش دة كلة... علشان سلامتك انت واسرتك... يا راجل حد يشد مع عيل 18.... تحياتى وعفوا للأطالة