رد: موضوع مهم جدا يا جماعه)
السلام عليكم يا جماعه دى اول مشاركه ليا من اول ماسجلت نفسى بالمنتدى واتمنى من الموجودين بالمنتدى انهم يفيدونى فى استفسارى :
انا انشاء الله عاوز اجيب عربيه قسط ووقع اختيارى انشاء الله على العربيه جاك A13 شوفتها فى التوكيل وعجبتنى بس فى عندى مشكله وهى انهم فى التوكيل طلبوا منى انى اقدم مفردات مرتب وانا بصراحه معنديش مفردات مرتب لانى بصراحه انا هجيب العربيه دى وابتدى اشتغل بيها والفلوس اللى معايا حوالى 10000 جنيه دول ممكن يكونو مقدم العربيه بنسبة 15% والبطاقه بتاعتى مكتوب فيها حاصل على بكالريوس تربيه رياضيه وساكن فى المنصوره ومتزوج وجالس فى شقه ملك فى بيت العائله انا واخواتى كل واحد منهم عنده شقته التمليك بردو بس مفيش عقود تمليك تثبت ملكيتى للشقه الحكايه كلها اعلام وراثه فقط فبالنسبه ليا مفردات المرتب دى مشكله ممكن يكون ليها حل عند اى حد انا سمعت عن شركات بتوافق انها تعمل مفردات مرتب مقابل انهم ياخدوا فلوس وبيظبطوا الاستعلام بتاع البنك اللى بيستعلم عنى عندهم بس انا مش عارف دول نصابين ولا ........؟؟ فياترى حد عنده حل للمفردات دى ؟؟ او طريقة تقسيط تكون مناسبه للظروف اللى انا كتبتها ؟؟ ارجو الرد او الاتصال ان امكن .........!!!!!
(0126365664) هيثم
|