[MEMOO_1ST]

يا باشا العربية راشة دواخل يعني كانت عاملة حاجة من الحاجات دي.
1 - العربية كانت عاملة حادثة جامدة من قدام وكان الحوض معجون في بعضة وطبعاً مهما كان مهارة السمكري الي اشتغل فيها عمرة ما هيقدر يرجعها لمقاساتها العادية وهتفضل تاكل منك عفشة وتاكل منك كوتش والزوايا عمرها ما هتظبط معاك وتلاقيها بتحدف لانها مش مظبوطة.
2 - العربية كانت مقلوبة قبل كدا وبردو نفس العيوب الي فاتت.
3 - ان يكون كان فيها بارومة ودا معناة ان الصاج بيكون ضعيف جداً ودا بردو خطر جداً.
مع العلم ممكن يكون الصنايعي الي اشتغل فيها ممتاز ويطلعها اقرب حاجة للفبريكة ودا طبعاً نادر جداً.
انا كان معايا 128 وعملت حادثة جامدة واستعدلت الحوض ورشيتو وبعد كدا العربية كانت زبالة لدرجت اني في مرة كنت بجري بيها ومرة واحدة لقيت العربية مش بتسحب لحد لما وقفت وبجيب الغيار وادوس بنزين ومفيش اي حاجة ( انا طبعاً قولت اسطوانة ) وشديتها لحد الورشة ولما روحت الورشة الميكانيكي قالي الشاسية اتفتح.