[تامين سيارات]

المشاركة الأصلية كتبت بواسطة evram انا عندي عربية اسبرانزا a516 و كنت مامن مع شركة قناة السويس و شركة تعامل وحش اوي و بيدوخو الواحد علي مياخد منهم اي قرش و قرف المهم انا روحت البنك و ادوني ورقة و قالولي دي الشركات الي تبعهم و الي لازم ائمن تبع واحدة منهم و الشركات هي الشرق للتامين مصر للتامين alg المهندس للتامين و كمان المجموعة العربية المصرية للتامين و بيت التامين المصري السعودي و اليانز مصر الدلتا للتامين المصرية للتامين التكافلي رويال للتامين اسكان للتامين و قناة السويس للتامين دي الشركات الي تابعة للبنك و المفروض اني هامن مع واحدة منهم ملحوظة قناة السويس هي الي رفضت التجديد لان انا كنت عملت حادسة و قالولي انت كدة بلاك ليست و مش هنامن ليك تاني دة كمان السبب الي خلاني ابعد دة غير الدوخة علي الفلوس ياريت ياجماعة بعد ازنكم ترتبولي الشركات من الاحسن من حيس السعر و المعاملة و كل حاجة و مستني ردكم بسرعة دي اول مرة اكتب هنا موضوع و مستني الافادة منكم دة اول مرة اكتب في القسم دة

السلام عليكم

بالنسبة للتعامل يا استاذى لو سمحت تقول اية الى حصل معاك و صلحت فين و الوثيقة عليها تحمل اية بالضبط لان الموضوع موضوع عقد مش ناس وحشه و ناس حلوه

و مافيش خاحة اسمها بلاك ليست او قائمة سوداء

غير ان لو حضرتك كنت سالت كنت هادلك ان فى مركز قناة السويس لصيانه السيارات ولا هاتدفع فلوس اصلا و لو غيرت قطع غيار كان معدل الاستهلاك 3% فقط يعنى اوفر من اى شركة اخرى ليك و قطع غيار اصلى و المركز بيعمل جميع الاجرءات بتسلم عربية و تستلمها متصلحة من غير وجع دماغ

على شان نستفيد من تجربة حضرتك ياريت تقولنا بالتفصيل الى حصل معاك و اية الى اتظلمت فيه و انا اروح معاك الشركة و لو ليك حق تاكد انك هاتخده تنفيذا للعقد او الوثيقة

منتظر ردك باهتمام